Rojnameyek behsa birîndar bûna Bexdadî dike

0
405

Tê gotin ku Bexdadî di êrîşeke esmanî de birîndar bûye

Berpirsê rêxistina DAIŞê Ebubekir Bexdadî di operasyonekê de li bajarê El-Qaim ku, dikeve ser sînorên di navbera Sûriyê û Iraqê bi giranî birîndar bûye.

Li gor jêderekî bi navê Fadil Ebu Rexîf di Şaneya Bazên Istixbaratî de, ser bi Wezareta Navxwe ya Iraqê ve ji Kenala El-Hure re ragehand ku, di operasyonekê de ya Hêzên Esmanî yên Iraqê Berpirsê rêxistina DAIŞê Ebubekeir Bexdadî bi giranî birîndar bûye û hemû serkirdeyên li gel di civînê de hatine kuştin.

Heman jêderî, da zanîn ku, Hêzên Esmanî yê Iraqê sê civîn li navçeya El-Zele, Ekaşat û El-Ûbeyîdî kirine armanc. Aşkere jî kir ku, Bexdadî di odeyeke jêr erdê de bûye lê serkirdeyên li gel de, di odeya civînan de bûne, lewma ew birîndar bûye û serkideyên li gel hatin kuştin.

li gor jêderan berbirsê rêxistina DAIŞê Ebubekir Bexdadî bi armanca bilindkirina morale serkirdeyên rêxistina xwe piştî têkçûnên wan li Mûsilê ew civîn pêkanîbû.

Comments

comments

Bersiv bd: