Li bajarê Qamişlo yê Kurdistana Rojava, xwepêşandanek li dijî siyaset û zilma PYDê tê lidarxistin.
Endamê serokatiya PDK-Sê Nûrî Birîmo ji malpera fermî ya PDKê re ragihandiye, îro li bajarê Qamişlo xwepêşandanek li dijî siyaset û zilma PYDê li hember ENKS û endam û alîgirên wê tê kirin.
Nûrî Birîmo daye zanîn ku xwepêşandan saet 15:00 û li ber ofîsa NY tê kirin û ji PYDê tê xwastin, dest ji reftar û siyaseta xwe ya xirab berde û endam û alîgirên ENKS û partiyên endamên wê azad bike.
Birîmo daye xuyakirin ku biryar bû xwepêşandan duh were kirin lê bo roja îniyê (îro) hat veguhertin.
Heta niha gelek rêveber, endam û alîgirên ENKSê ji aliyê PYDê ve hatine girtin, îşkencekirin û kuştin.