کۆڕی کتێبخانەی هەژار موكریانی بۆ خوێندنەوەو باسكردن لەسەر كتێبی “ژنێك لە ڕۆحما پاییزە

0
997

ڕۆژی کورد: ڕۆژی هەینی 15ی گەلاوێژی 1395ی هەتاوی، كتێبخانەی هەژار موكریانی لە باژێڕی هەڵەبجە، كۆڕێكی بۆ خوێندنەوەو باسكردن لەسەر كتێبی “ژنێك لە ڕۆحما پاییزە” پێکهێنا.

لەو کۆڕەدا بەشێکی بەرچاو لە نووسەران و شاعیرانی باژێڕی هەڵەبجە و هەروەها کۆمەڵێکی بەڕچاو لە خوێنەران و کەسانی خاوەن ڕا لە بوارە جۆراوجۆرەكانی كولتوور و ڕووناكبیری لەم کۆڕەدا بەشدارییان کرد.

ڕێژەی فراوان و بەرچاوی بەشداریی ژنان خاڵێكی دیكەی گرنگی ئەم کۆڕە بوو.

كتێبخانەی هەژار مووكریانی بەپێی نەریتی خۆی، ناوەناوە كتێبیك دەخاتە ڕۆژەڤی باس وخوێندنەوەو بە ئامادەبوونی نووسەر لەلایەن دەستەی شارەزا لە بواری کتێبەکەدا نرخاندن و هەڵسەنگاندن و شیکاری بۆ دەکات.

کتێبی “ژنێک لە ڕوحما پاییزە”، بەرهەمی شاعیری ناسراوی کورد، جەلیل ئازادیخوازە.

پێشتریش، ڕۆژی  پێنج شەممە ڕێكەوتی ١٦ی بانەمەڕی ١٣٩٥ی هەتاوی (٢٧١٦ی کوردی)،

لقی هەولێری یەکێتی نووسەرانی کورد، ئێوارەكۆڕێكی بۆ جەلیل ئازادیخواز، شاعیرو نووسەر و چالاكی ناسراوی کوردستانی خۆرهەڵات،  پێکهێنابوو.

جەلیل ئازادیخواز، ساڵی 1339 هەتاوی لە باژێڕی سنە لە دایک بووە و تا ئێستا کارنامەیەکی زەنگینی لە بواری ئەدەب و ڕۆژنامەگەریی کوردیدا هەیە، ئەوە سەرباقی چالاکییە سیاسییە دیار و بەرچاوەکانێتی. لە خوارەوە کورتەیەک لە چالاکییەکانی ئەو شاعیر و نووسەرەی کورد دەخەینە بەرچاو.

_ ئەندامانی دامەزرێنەری ئەنجوومەنی ئەدەبیی مەریوان و بەر پرسی ئەو ئەنجوومەنە لە ساڵی 1368 تا 1374

_ ئەندامی دامەزرێنەری ئەنجوومەنی ئەدەبی کوردستان لەشاری سنەو یەکێک لە بەڕێوەبەرانی و بەرپرسانی ئەو ئەنجوومەنەبووە.

_ ئەندامی دەستەی نووسەرانی هەفتەنامەی “ئاویەر” لەسنه

_ سەرنووسەری هەفتەنامەی “ئاسۆ” تا رۆژی دا خستنی

_ ئەندامی دەستەی دامەزرێنەری کانوونی نووسەرانی کوردستانی ئێران و وتەبێژی ئەو کانوونه

_ ئەندامی دەستەی نووسەرانی “سروه”

_ سەرنووسەری هەفتەنامەی تەواو کوردی “ڕێژاو” کەلەگەڵ یەکەم ژمارەی دا لەشاری کرماشان بەزۆر و بێ یاسا بەستیان.

بەرهەمەکانی جەلیل ئازادیخواز:

١- نامیلکەیەکی شیعری بۆ منداڵان بەناوی “شیوەنی هەڵەبجه” هاو بەش

٢- نامیلکەیەکی شیعری بەناوی چەمەری “خاکی سووتاو”

٣- حەماسەی گێلگەمێش” وەرگێڕاو لەفارسیەوەبۆ کوردی

٤- رئالیزم در ادبیات کردی” لەعەرەبیەوەکراوەبەفارسی

٥- بڵاو کردنەوەی سەدان بابەتی جیاواز بە زمانی کوردی و فارسی

بەرهەمە بڵاونەکراوەکانی ناوبراو:

١- چل شیعری شاملو لەگەڵ پێشەکییەکدا بە وردی کە هەندێکی لە ئاسۆدا بڵا و کراوەتەوه

٢- جوانی ناسی لەروانگەی ئادۆرنۆوه

٣- کقتو گۆ لەئەندێشەی هابر ماسدا

٤- بەم بێ ئابڕویەچ لێبوردنێ

٥- دەورانی بێ تاوانی شانۆ نامەکەخەڵاتی باشتر ین دەقی کوردی پی درا لەهەو لێر

٦- کۆمەڵناسی ئەدەبیات تەئلیف

٧- چاوەکانی رۆمان

٨- کۆمەڵەچیر ۆکێکی بیانی

٩- دوو کتێبی شیعر

١٠- شیعر و هزر و کۆمەڵگا کەکۆیەکن لەوو تار و خوێندنەوه

تێبینی: بەشی ژیاننامە و بەرهەمەکانی شاعیر لە کوردیپدیا وەرگیراوە.

13936538_661086957387397_1838207518_n

13936899_661086954054064_865188127_n

13942727_661086940720732_327709818_n

سه‌رنج و كۆمێنت

كۆمێنت