كرۆنیكی ڕۆژی كورد ، به‌شی دووهه‌م ڕه‌وشی كوردستانی باكوور

0
1431

به‌رنامه‌ی كرۆنیكی ڕۆژی كورد ،له‌ لایه‌ن ڕۆژنامه‌نووس ئه‌رده‌ڵان عه‌بدوڵڵاهیه‌وه‌ ئاماده‌ و پێشكه‌ش ده‌كرێ ، له‌و به‌رنامه‌یه‌ دا به‌ میوانداریی كه‌سانی شاره‌زا  هه‌ر جاره‌و باس و بابه‌تێكی گرینگ دێته‌ به‌ر باس و لێكدانه‌وه‌ .

له‌ به‌رنامه‌ی ئه‌و جاره‌ دا باس له‌ دۆخ و ڕه‌وشی توركیه‌ به‌ گشتی و كوردستانی باكوور به‌ تایبه‌تی ده‌كرێ

توركیه‌ وڵاتێك كه‌ به‌شێكی به‌رچاو له‌ خاكی كوردستانی داگیر كردوه‌ و ئێستا ئه‌و به‌شه‌ی له‌ ژێر ده‌سه‌ڵاتی ده‌وڵه‌تی توركیه‌ دایه‌ به‌ كوردستانی باكوور ناسراوه‌ ،ڕێژه‌ی حه‌شیمه‌تی كورد له‌ باكووری كوردستان به‌ زیاتر له‌ ٢٠ ملیۆن كه‌س خه‌مڵێندراوه‌ . حكومه‌ته‌ یه‌ك له‌ دوای یه‌كه‌كان له‌ توركیه‌ هیچ كات ئاماده‌ نه‌بوون دان به‌ ناسنامه‌ و كوردستانی بوونی كوردستانی باكوور دابنێن و كورد له‌و پارچه‌یه‌ به‌ شێوه‌ی زمانی ، فه‌رهه‌نگی و سیاسی له‌ ژێر ژینۆ ساید و ئاسیمیله‌ بووون دابووه‌
ده‌یان شۆڕشی كوردی به‌ دژی داگیركه‌رانی كوردستان له‌ لایه‌ن ده‌وڵه‌تی توركیه‌وه‌ سه‌ركوت كراوه‌ .
سه‌رده‌مانێك قسه‌ كردن به‌ كوردی تاوانێكی گه‌وره‌ بووه‌ و كورد بوون حوكمی له‌ ناوچوونی بۆ ده‌رچووه‌ ، حاشا له‌ بوونی نه‌ته‌وه‌یه‌ك به‌ ناوی كورد كراوه‌ و دروشمی ڕژیمی توركیه‌ یه‌ك گه‌ل یه‌ك ئاڵا و یه‌ك وڵات و یه‌ك زمان بووه‌ .
گه‌لی كورد له‌و پارچه‌یه‌ی نیشتمان به‌رده‌وام له‌ خه‌بات و به‌رخودان نه‌وه‌ستاوه‌ و له‌ پێناو ڕزگاری و ئازادی دا گه‌لێك قوربانی داوه‌
خه‌باتی چه‌كداری و خه‌باتی سیاسی شان به‌ شانی یه‌ك له‌ لایه‌ن كورده‌كانه‌وه‌ له‌ توركیه‌ به‌رێوه‌ چووه‌ و له‌ هه‌ر دوو حاڵه‌تدا گه‌لی كورد له‌ خه‌بات و قوربانتدان بۆ سه‌ربه‌ستی نه‌وه‌ستاوه‌
سه‌ره‌نجام بڕیار درا كه‌ كورد و تورك له‌ ڕێگه‌ی ئاشتی خوازنه‌ و به‌ دیالۆگ كێشه‌كانیان چاره‌سه‌ر بكه‌ن و پرسی كورد بووه‌ ڕۆژه‌ڤی باسی حكوومه‌ت و لایه‌ن و پارته‌ سیاسیه‌كانی نه‌یاری سیاسه‌ته‌كانی ڕژیمی توركیه‌
به‌ڵام پرسی ئاشتی و چاره‌سه‌ریی ئاشتیانه‌ش تا ئێستا ئه‌نجامێكی ئه‌وتۆی نه‌بووه‌ كه‌ كورد لانی كه‌م به‌ به‌شێك له‌ ویست و داخوازیه‌كانی بگا
یه‌كنه‌گرتوویی و یه‌كتر قه‌بووڵ نه‌كردنی پارت و لایه‌نه‌ سیاسیه‌كانی كوردستانی باكووریش به‌شێكی به‌رچاوه‌ له‌ ئاڵۆزی و چاره‌سه‌ر نه‌بوونی پرسی كورد .
ئایا گه‌لی كورد بۆ گه‌یشتن به‌ خواسته‌كانی پێویستی به‌ گرتنه‌ به‌ری كام شێوه‌ له‌ خه‌بات هه‌یه‌ ، چۆن كورد ده‌توانێ به‌ دانێ كه‌مترین هه‌زینه‌ ، زۆرترین ده‌ستكه‌وتی هه‌بێ و به‌ گشتی ڕێگه‌ی چاره‌سه‌ریی پرسی كورد به‌ مه‌سیری شه‌ڕ دا تێپه‌ڕ ده‌بێ یا به‌ مه‌سیری ئاستیخوازی و دیالۆگ و دانوستان دا ،

سه‌رنج و كۆمێنت

كۆمێنت