ڕەبەت و سەردەشت: ئەماکن سەرجەم چایخانەکانی ناچار کرد کامێرای مەدار داخراو دابنێن

0
114

بەپێی هەواڵی هەواڵنێری ڕۆژی کورد لە  دوو شاری سەردەشت و ڕەبەت، لە ماوەی نزیک بە یەک مانگی ڕابردوودا، ئەماکین سەرجەم چایخانە و کافە و نێرگەلە فرۆشییەکانی ناچار کردووە بە زۆرەملی، کامێرای مەدار داخراو (مەدار بەستە) دابنێن.

هەواڵدەری ڕۆژی کورد لەو دوو شارە ەروەها ڕایگەیاند کە هەر ١٠ ڕۆژ جارێک مەئموورانی ئەماکنی ئەو دوو شارە سەردانی ئەو دووکان و کافانە دەکەن و کامێراکانیان و هەروەها هاتوو چۆی ئەو ماوەیە دەپشکننن.

لە لایەکی ترەوە، لە پارکی هەوارە بەرزەی شاری ڕەبەت، کامێرایەکی مەزن کە بە پێی مەزەندەی هەواڵدەری ڕۆژی کورد نزیک بە ٣٠ ساتنی میتر لە ٣٠ سانتی  میتر دایە، لەو پارکە گشتییە داندراوە کە بە پێی شوێنەکەی، توانایی کۆنترۆڵی هەر هەموو ناوچەکە و چیاکانیشی هەیە.

هەواڵدەری ڕۆژی کورد هەروەها گوتی: ئەماکینی سەردەشت و ڕەبەت سەردانی سەرجەم وێنەگری و دووکانی کۆپی (پەراوگە) کانیان کردووە و پێیان گوتوون کە ئەو پرۆپاگەندە و ئیعلامیە حیزبیانە لە دووکانەکانی ئێوەڕا کۆپی دەکرێ و هەر بۆیەش ناچارن کامێرای مەدار داخراو دابنێن. مەئموورانی ئەماکین تەنانت بە خاوەن پەراوگەکانیان گوتووە ئەگەر خۆتان دەرەتانی کڕین و دانانتان نییە، خۆمان بۆتان دەکەین.

شایانی ئاماژەیە کە هەواڵدەری ڕۆژی کورد لەو دوو شارە، پشتڕاستی کردەوە کە تا ئێستا دوو کەس بە هۆی پشکنینی ئەو کامێرا شاراوانە و سەردانیان بۆ ئەو چایخانانە لە لایەن ئیتلاعاتەوە نسراون و دەست بەسەر کراون کە بە هۆکاری ئاسایشیی ناوی ئەو دوو کەسە بڵاو ناکەینەوە.

سه‌رنج و كۆمێنت

كۆمێنت

‎وه‌ڵام بده‌وه‌