ڕۆژی کورد: بەپێی هەواڵی هەواڵنێری ڕۆژی کورد لە بۆکان، ئەندامێکی سوپای قودسی خەڵکی ئەو باژێڕە بە ناوی یوسف شەریف، تەمەن 48 ساڵان و خەڵکی گوندی قوڵقوڵەی سەر بە باژێڕی بۆکان بەیانی ئەمرۆ شەممە 13ی خەرمانانی1395ی هەتاوی، بەهۆی نەخۆشیی جەڵتەی دڵ لە ماڵی خۆی لە بۆکان مردووە.
شەریف لە تەمەنی ١٦ ساڵی و لە ساڵی ١٣٦٢ـی هەتاوییەوە بۆتە جاش و پاشان هەتا ساڵی ١٣٨٦ زیاتر لە تاران دەژیا و تەنیا بۆ سەردانی خزم و کەسی دەهاتەوە بۆکان.
لە کاتی هەڵبژاردنی خولی ٨ ـی مەجلسی ئێران، خۆی بۆ پاڵاوتن لەو هەڵبژاردنە، بەربژێر کرد بەڵام لەلایان شۆڕای نیگابانەوە متمانەی پێنەبەخشرا.
ناوبراو یەکێ لەو فەرماندانەی سپای تیرۆریستیی قدس بوو کە لە باشووری کوردستان و لوبنان چالاکی کردبوو.
شەریف لە زانکۆی ئیمام سادق کە بۆ بارهێنانی ئەندامانی سپا داندراوە دەرسی خوێندبوو و دوکتورای بەڕێوەبەرایەتی ستراتژیکی قەیرانی هەبوو.
دوو حەتوو لەوە پێش تووشی جەڵدەیەکی سووکی دڵ بووە و بۆ چارەسەری لە بۆکانەوە براوەتە تەورێز و پاش دەرمان کردنی نادراوەتەوە بۆکان.
شەریف بە هۆی ئەوەی لە سالی ١٣٩٢ـی هەتاوی لە دۆسییەیەکی سیخوڕی کردندا وەک تاوانبار ناسرابوو ماوەی ٣ساڵ بوو بە زۆرەملی خانەنشین کرابوو و لە بۆکان دەژیا.