هونه‌رمه‌ند قاله‌ شین ، مامۆستای به‌یت و حه‌یران به‌ خاك سپێردرا

0
475

ڕۆژی كورد :  ئەمڕۆ هەینی 30ی ڕەزبەری 1395ی هەتاوی،  حەیران بێژی ناسراوی کورد،  قادر ئوستاد ئیبڕاهیمی ناسراو بە قالە شین لە گۆڕستانی بوداخ سوڵتانی شاری مه‌هاباد و له‌ به‌شی ئه‌دیبان و هونه‌رمه‌ندان به‌ به‌شداریی جه‌ماوه‌رێكی به‌رچاوی شاری مه‌هاباد و ده‌وروبه‌ری  به‌ خاك سپێردرا.

كۆڕی پرسه‌ و سه‌ره‌خۆشی ئه‌و هونه‌رمه‌نده‌ ناسراوه‌ی كوردستان ڕۆژانی شه‌ممه‌ و یه‌كشه‌ممه‌ ١و ٢ی خه‌زه‌ڵوه‌ر له‌ مزگه‌وتی گه‌وره‌ی (( جامیع )) ی شاری مه‌هاباد به‌ڕێوه‌ ده‌چێ .

qale-shin

قالەشین ساڵی 1307ی هەتاوی لە گوندی خەلیفان ـی سەر بە باژێڕی مهاباد لەدایک بووە، لە تەمەنی حەوت ساڵاندا بۆ خوێندن نێردراوەتە لای مەلا خەلیل گۆڕەمەری، بەڵام کاتێک لەوێ دەنگخۆشی و توانایی لە حەیران بێژی و گۆرانی چڕێندا دەردەکەوێ، پاش ٧ ساڵ واز لە خوێندن دەهێنێت و دێتە بواری هونەرەوە.

قالەشین لە بواری بەیت و حەیراندا تواناییەکی جێگای سەرنجی هەبووە و خۆی یەکێک لەو کەسانە بووە کە جیا لە حەیران و بەیتبێژی، بەیتی داناون کە لە ناویاندا دەکرێ ئاماژە بە  بەیتی بارزانی بکەین.

قالە شین، جیا لە دەنگخۆشی و حەیرانبێژی، کەسێکی نیشتمان دۆست و کوردپەروەر بوو و ٢ کوڕیشی به‌ ناوه‌كانی شه‌هیدان كه‌ماڵ و عوسمان لە ڕیزەکانی خەباتی کورد لە کوردستانی خۆرهەڵات شەهید بوون و ئەوەش هۆکارێک بوو کە لە ناو خەڵک دا، ڕێزێکی تایبه‌تی هەبوو.
14711515_901307366637517_8253230688369063018_o14681962_901308233304097_1362887704444611634_o14608702_901307363304184_3922889703221901686_o14570643_901308226637431_2808411989497672726_o

سه‌رنج و كۆمێنت

كۆمێنت