تایبەت بە ڕۆژی کورد
بڕیار وایە لە 7ـی ڕەشەممەی ئەمساڵدا هەڵبژاردنەکانی مەجلیسی شووڕای ئیسلامی و مەجلیسی خوبرەگان لە ئێران بەڕێوە بچێ، بەرپرسانی کۆماری ئیسلامی لە ڕاگەیەندنەکاندا هەموو هەوڵێک دەدەن خەڵک بۆ سەر سندووقەکانی دەنگدان ڕابکێشن و سیمایەکی دیموکراتیک بە هەڵبژاردنەکانی ئەمساڵ ببەخشن، بەشی زۆری حیزب و لایەنە سیاسییەکانی خۆرهەڵاتی کوردستان بایکۆتی هەڵبژاردنەکانیان کردووە و داوایان لە خەڵک کردووە بەشداری لە هەڵبژاردنەکاندا نەکەن. رۆژی کورد بە پێویستی زانینی لە تەوەرێک دا پرسی بەشداریکردن و بەشداری نەکردن لە هەڵبژاردنەکاندا لەگەڵ نووسەر و رووناکبیران و هونەرمەندانی خۆرهەڵات بخاتە بەر باس.
لە بەشی چواردەیەمی ئەو تەوەرە دا خاڵۆ کوردین، نووسەر و شانۆکاری کورد، بەم شێوەیە ڕای خۆی دەردەبڕێ:
“کاتێ باسی هه‌ڵبژاردن له ئێرانی ژێر ده‌سه‌ڵاتی ئاخوندی ئه‌کرێ ، ده‌بێ بزانرێ گه‌لۆ سیستمی هه‌ڵبژاردن به پێی بنه‌مای دیموکراسی به‌رێوه ئه‌چێ یان نا “
له حکوومه‌تی ئێراندا رێبه‌ر نێردراوی خوایه و خه‌ڵکه‌که‌ش ده‌بێ فه‌رمانبه‌ری رێبه‌ری ئیسلامی بن و هه‌ر راسپارده و فه‌رمانێک له لایه‌ن ئه‌هره‌می ده‌سه‌ڵات واتا ویلایه‌تی فه‌قێ و شه‌خسی خامنه‌ییه‌وه ده‌ر ئه‌کرێ حیکمه‌تی ئیلاهییه و ده‌بێ به ئاڵتوون بنه‌خشێندرێ و سه‌رپێچی کارانیش مولحید و له به‌رژه‌وه‌نده‌ی کافران نافه‌رمانی ئه‌که‌ن ، ده‌بێ سزایان دۆزه‌خ بێ .
شانۆی هه‌ڵبژاردنه‌کان له ئێران پێش له‌وه‌ی بچێته قۆناخی جێبه‌جێ کردنه‌وه موهه‌ندسی کراوه و مۆره‌ی خۆیان دیاری کراوه و تا کاتی هه‌ڵبژاردنه‌کان خۆیانی بۆ ته‌یار ئه‌که‌ن که‌چی لێره و له‌وێ شه‌ری ته‌بلێغاتی له لایه‌ن گروپ و تاقمه‌کانی ده‌سه‌ڵات بۆ به‌رژه‌وه‌ندییه ئابووریه‌کان ده‌س پێ ئه‌کات به‌ڵام له واقیعدا بۆ مان و مه‌وجودییه‌تی نزام غافڵ نابن و هه‌موو هه‌وڵ و توانایان بۆ وه‌حده‌ت و یه‌کپارچه‌یی کۆماری ئیسلامییه که له روڵه‌تدا و بۆ خۆڵ کردنه چاوی خه‌ڵک و دوونیای ده‌وه‌وه و زۆربه‌ی کات به زمانی زبر و توند وتیژ له‌گه‌ڵ یه‌کدی دووان و ته‌نانه‌ت له میدیاکانیانه‌وه دژی یه‌کتر هه‌ڵوێستیان گرتووه .
به پێی ئه‌زموون له سیستمی کۆماری ئیسلامی هه‌ڵبژاردنه‌کانی ئه‌مجاره‌یش هه‌ر وه‌ک جارانی پێشووتر به‌رێوه ئه‌چێ و روون ئاشکرایه هه‌ر وه‌ک پێشووتر سناریۆی ئاماده‌کراویان بۆ داناوه و به بێ هیچ له‌مپه‌رێك به‌رێوه ئه‌چێ و کۆتاییه‌که‌ی دیاره که هیچ له ناوه‌رۆکی ئه‌و رژیمه ناگۆردرێ ره‌نگه ده‌مووچاوه‌کان شێوه‌کانیان له‌یه‌ک نه‌چێ به‌ڵام وه‌کوو ئیدۆلۆژی له‌گه‌ڵ سه‌ره‌تای هاتنه سه‌رکاریان هیچ جیاوازیێکیان پێوه نابیندرێ .
لێره‌دا خاڵێک که جێگای تێڕامان و سه‌رنجه
گه‌لۆ رژیم له ماوه‌ی ده‌سه‌ڵاتداری خۆیدا تا چه‌ند توانای ریفۆرم و ئیسڵاحاتی هه‌بوو که ریفۆرمخوازانی کورد بتوانن له پارڵمانی ئێران داخوازی له ماڤی کورد بکه‌ن ؟
به بێ هیچ دوو دڵییه‌ک نه‌ک ئه‌وان نوێنه‌ری راسته‌قینه‌ی خه‌ڵک نه‌بوونه به‌ڵکوو ئه‌وه فیلتری شۆرای نیگابانه سه‌ڵاحیه‌تیانی کردووه و جێگای متمانه‌ی ئه‌وانن که ئیزنی چوونه ناو په‌رڵه‌مانیان پێ دراوه و جگه له پڕکردنی کورسییه‌کان هیچ کارێکیان بۆ ده‌نگده‌رانیان نه‌کردووه و به پێی ئه‌زموونیش تا کۆماری ئیسلامی له ئێران حاکم بێ هیچیشیان پێ ناکرێ .
هه‌ڵبژادن له سیستمی کۆماری ئیسلامی ئێران زه‌ره‌رمه‌ندی یه‌که‌م ئه‌و حیزب و لایه‌نانه‌ن که ئه‌بنه هۆکاری هاندانی خه‌ڵک بۆ به‌شداری کردن و زه‌رمه‌ندی دووهه‌م خه‌ڵکه.
بێ سه‌رنجدان له رابردووی رژیم و تێنه‌فکرین له سیستمی هه‌ڵبژاردنه‌کانی هه‌ڵه‌یه‌کی گه‌وره و مێژووییه که پێمان وابێ رژیم ئه‌مجاره‌یان ره‌نگه بتوانێ ریفۆرم و ئیسڵاحات له سیاسه‌ت و خۆشگوزه‌رانی خه‌ڵکدا بکات و که‌سانێک بتوانن به خۆپاڵاوتنیان و به‌ده‌سهێنانی ده‌نگی زۆرینه‌ی ئازادیخوازان برۆنه پارڵمان و له‌وێ ماڤی ده‌نگده‌رانیان وه‌ده‌سبێنن و باسی ریفۆرم چاکسازی له سیستمی حاکمدا بکه‌ن و بتوانن شوێندانه‌ر بن .
کاتێ باسی ئه‌و حیزب و لایه‌نانه ئه‌که‌ین که زه‌ره‌مه‌ندی یه‌که‌من ئه‌بێ ئه‌وه بگوترێ که ئه‌زموونی ده‌سه‌ڵاتداری مه‌لایان له سێ ده‌یه‌ی رابردوودا بۆیان روون و ئاشکرا نیه که بڕیای سه‌ره‌کی له لایه‌ن ویلایه‌تی فه‌قێ و شه‌خسی خامنه‌یی ئه‌درێ و هیچ که‌س و ئورگانێکی حکومه‌تی ناتوانێ پێره‌وی ئه‌و بڕیاره نه‌کات
گه‌لۆ تا ئێستا که‌نگێ هه‌لبژاردنێکی دیموکراتیانه له ئێران هه‌بووه و ئه‌مجاره‌ش دووهه‌م جار بێ که سیاسیه‌کانی دژبه‌ری حکومه‌ت دڵیان پێ خۆش بێ و پییان وابێ که درگای ره‌حمه‌ت له خه‌ڵکی چه‌وساوه‌ی ئێران و به‌تایبه‌ت کوردستان کراوه‌ته‌وه که ده‌بێ له‌و ده‌رفه‌ته که‌ڵک وه‌ربگیردرێ، پێم وایه هه‌ر لایه‌نێک به پێوه‌ری ریفۆرم له حکومه‌تی ئیسلامیدا سیاسه‌ت بکا زه‌ره‌رمه‌نده چونکه ئاکامه‌کانی هه‌ڵبژاردن روونه و ره‌نگه له لای لایه‌نگرانیانه‌وه بێ هیوایی و گوومان درست بکا و له‌گه‌ڵ دروشمی رووخان و دیموکراسی بۆ ئێران ته‌با نیه
و هه‌ر جۆره هاندانی خه‌ڵک بۆ به‌شداری له هه‌ڵبژاردنه نا دیموکراتیکه‌کانی ئێران ستوونی مانه‌وه‌ی حکوومه‌تی سه‌رکوتگه‌ری مه‌لایانی پێ درێژ ئه‌کرێته‌وه و تا خه‌ڵک زۆرتر به‌شداری بکا به قازانجی رژیمه و به زیانی خه‌ڵکه و به پێی پێوه‌ره‌کان هه‌ڵبژاردن له ئێران نا مه‌شرووع و نا ڕه‌وایه چونکه نوێنه‌ری راسته‌قینه‌ی خه‌ڵک ئه‌وانه نین که رژیم خۆی دیاری ئه‌کات .
