هاووڵاتییەکی مەریوانی لە خوڕڕەم ئاوا دەستبەسەر کراوە

0
163

دەست بەسەر کرانی هاووڵاتیانی کورد و راگواستنیان بۆ شوێنی نادیار، بەردەوامە

ڕۆژی کورد: بەپێی هەواڵی گەیشتوو بە ناوەندی هەواڵی ڕۆژی کورد، ڕۆژی شەممە ٢٢ی جۆزەردانی ١٣٩٥ی هەتاوی، گەنجێکی کوردی خەڵکی شاردێی “نێ” ـی سەر بە شاری مەریوان کە لە شاری خوڕڕەم ئاوا سەرباز بووە، لە لایەن هێزە ئەمنییەتییەکانی ڕژیمەوە دەست بەسەر کراو.

فەرزاد نیک پەی، گەنجی ٢١ی ساڵەی کوردی خەڵک “نێ” کە لە پادگانی ئیمام عەلی ـی سپای تیرۆریستیی پاسدارانی ڕژیم لە خوڕرەم ئاوا سەربازە، دوای دەست بەسەر کرانی بۆ شوێنیکی نادیار ڕاگواستراوە.

تا ئێستاش هۆکاری دەست بەسەر کرانی ئەو هاووڵاتییە کوردەی گوندی “نێ” ناڕوونە و ناشزاندرێ لە کوێ دەست بەسەرە و هیچ زانیاری و هەواڵێک لە مەڕ دۆخی جەستەیی و دەروونیی ناوبراو لەبەر دەستدا نیە.

شایانی ئاماژەیە کە پێشتر و  لە نۆزدەی مانگی ڕابردوودا دوو کەس لە ئامۆزاکانی فەرزاد بە ناوەکانی فاڕوق و هیوا لە زانکۆی پەیام نووری شاری مەریوان دەستبەسەر کرابوون.

Related Post

سه‌رنج و كۆمێنت

كۆمێنت