ریزان فەتاح
منم منم کاریلە
سپی و جوان وردیلە
خۆراکم گەنم و جۆیە
سودم هەموو بۆ تۆیە
پەلکی شووتی و گندۆرە
بەتام دەخۆم بە نۆرە
دەخۆمەوە ئاوی زۆر
لەسەرچاوەی جۆراوجۆر
دایکی من ناوی بزنە
زۆر میهرەبان و مەزنە
پێستم بە موو داپۆشراو
رێک و جوان رەنگکراو
دەمپارێزێ لە سەرما
لە هاوین و لە گەرما
…………………….
تێبینی// ئەم هۆنراوەیە لە ژمارە ( ٢٥٨ ) ی گۆڤاری جگەرگۆشەکان لە مانگی ئاب ٢٠١٧ بڵاوکراوەتەوە
Comments
