لە باژێرەکانی باشووری عێراق، وێنەی خومەینی و خامنەییان هێنایە خوارەوە

0
108

لە باژێڕەکانی باشووری عێراق، وێنەی خومەینیان هێنایە خوارەوە

ڕۆژی کورد: شەوی هەینی ١٩ی جۆزەردان، سەدان کەس لە ناڕازییانی عێراقی کە ڕێپێوانێکیان لە شارەکانی باشووری عێراق پێکهێنابوو، وێنە و پۆستێری خومەینی و خامنەییان هێنایە خوارووە خستیانە ژێر پێیان و بێ ڕێزیییەکی زۆریان پێ کردن.

ڕێپێوانچیەکان دواتر هێرشیان کردە سەر بارەگای چەند حیزبی عێراقی و یەک لەوان حیزبی دەعوەی نزیک بە ڕژیمی تاران.

 دوابەدوای ئەو ڕێپێوانە، نووری ئەلمالکی بە دەرکردنی ڕاگەیێندراوێک، ئەو ڕێپێوانەی مەحکووم کرد و ڕەخنەی تووندی لێگرت و گوتی “کردەوە و جوولانەوەی ئەوانە وەک هی لایەنگرانی سەددان حوسێن ـە”.

 لە لایەکی ترەوە، حەیدەر ئەلعەبادی، سەرۆک وەزیرانی ءێراقیش لە ڕێگای ڕاگەیێندراوێکەوە گوتی کە لە هەمبەر کردەوەی ئەوتۆ دەوێستێتەوە و گرووپی نەناسراو بە بەرپرسی سووتاندنی نووسینگەی حیزبە سیاسییەکان دەزانێ .

 شایانی ئاماژەیە کە ئەو ناڕازییانە زۆربەیان لایەنگرانی موقتەدا سەدر بوون کە پێشتریش لایەنگرانی سەدر پارلمانی عێراقیان داگیر کردبوو و درووشمیان بۆ چاکسازی دەدا.

 شایانی ئاماژەیە کە، ئەبوولوەلا ئەلوەلایی، سکرتێری گشتیی گوردانەکانی “سەیدووشوهەدا”ـی عێراق، وێڕای ئەوەی کە پشتڕاستی کردەوە کە ئەوان یارمەتیی ماڵی و سەربازی لە ئێران وەردەگرن، گوتی: “زۆربەی حیزبەکانی عێراق و لە نیاویاندا حەشد شەعبی، یارمەتی لە ئێران وەردەگرن.

بەپێی قسەکانی ئەبوولوەلا، وەرگرتنی ئەو یارمەتییە ماددیانە لە ساڵی ٢٠١٢ـەوە دەستی پێکردووە.

Related Post

سه‌رنج و كۆمێنت

كۆمێنت