داعش ٢٣٢ کەسی لە موسڵ کوشتەوە و دەیان هەزار کەسی دزیوە

0
375

ڕۆژی کورد: بەگوێرەی زانیارییەکانی نەتەوە یەکگرتووەکان، ڕێکخراوی تیرۆریستیی داعش، هاوکات لەگەڵ شەڕی ئازادکردنی موسڵ، ٢٣٢ کەسی کوشتووە.

بەپێیو قسەکانی ڕاوینا شمدسانی، وتەبێژی نوسینگەی مافی مرۆڤی نەتەوە یەکگرتووەکان، 190 کەس لەو کەسانە چەکدارانی پێشووی ئەرتەش بوون و 42 کەسیشیان، کەسانی مەدەنی بوون کە پێدەچێ ئامادەنەبوون هاوکاریی داعش بکەن و فەرمانەکانی بەجێ بهێنن.

نوسینگەی مافی مرۆڤی نەتەوە یەکگرتووەکان، هەروەها دەشڵێ کە ئەوان زانیاریی جێگای متمانەیان لەبەردەستە کە دەریدەخا، ڕێکخراوی تیرۆریستیی داعش، دەیان هەزار کەس و بەتایبەت منداڵی لە شوێنە جیاجیاکانی موسڵ دزیون.

بە گوێرەی لێدوانی نوسینگەی مافی مرۆڤی نەتەوە یەکگرتووەکان، داعش دەیهەوێ ئەو کەسانە وەک بەرگریی مرۆڤی لەو شەڕەدا بەکار بهێنێت.

شەڕ ئازادکردنی موسڵ، ماوەی ٢ حەوتوویە دەستی پێکردووە، نەتەوە یەکگرتووەکان دەڵێ لەو شەڕەدا زیاتر لە ٩٠٠ چەکداری داعش کوژراون.

تا دێت و شەڕ بەرفراوانتر دەبێت، گریمانە و لێدوانەکانیش جیاواز دەبن. ئەمڕۆ سێرگی لاڤرۆف لە کاتی سەردان لەگەڵ هاوتا سوری و ئێرانیەکانی گوتی: “دوای ئەوەی کە موسڵ لەژێر ڕێبەریی هاوپەیمانانی ئەمریکا، ئازاد کرا، ئاراستە و بارتەقای هێزەکان لە ناوچەکە دەگۆڕدرێ”.

سه‌رنج و كۆمێنت

كۆمێنت