بەهۆی چونە سەری بەرهەمی ئۆپێک نرخی نەوت دابەزی

بەهۆی چونە سەری بەرهەمی ئۆپێک نرخی نەوت دابەزی

0
140

رۆژی کورد: ئەمڕۆ دووشەممە، ١٣ی بانەمەڕی ١٣٩٥ نرخی نەوت بۆ کەمترین ئاستی خۆی لە ساڵی ٢٠١٦ دابەزی.

بەهۆی زێدەبوونی ڕێژەی بەرهەمی ئۆپێک، نرخی نەوت دابەزی، ئەوە لە حاڵێکدایە کە لە حەوتووی ڕابردوو دابەزینی پاشکۆ نەوتییەکانی ئەمریکا ڕاگەیێندرا و نرخی دۆلاریش بە کەمترین ئاستی خۆی لە ساڵی ٢٠١٦ دابەزیوە.

بەپێی ڕاپۆرتی ڕۆیتێرز، بەرهەمی وڵاتانی ئەندامی ئۆپێک لە مانگی ئاوریل گەیشتۆتە 32.64 بەرمیل لە ڕۆژێکدا کە ئەوە دەگاتە نزیکەی زۆرترین ئاستی بەرهەمهێنانی ئۆپێک.

بەپێی ئەو ڕاپۆرتە، ڕووسیە وەک گەورەترین بەرهەمهێنەر نەوتی دەرەوەی ئۆپێک لە مانگی ئاوریل، بەرهەمی خۆی تا ٧% زێدە کردووە و گەیاندوویەتی 3.117 لە ڕۆژێکدا.

بەهۆی ئەو زێدەبوونە لە بەرهەمهێنانی نەوتی ئەندامانی ئۆپێک و هەروەها ڕووسیە، ئەمڕۆ دووشەممە ١٣ی بانەمەڕی ١٣٩٥ی هەتاوی، نرخی نەوتی برێنی گەیشتۆتە  46.77 دۆلار کە ٦٠ سێنت کەمترە لە دوایین نرخی لە حەوتووی ڕابردوودا. نەوتی تکزاسیش ٤٠ سێنت داشکاوە و گەیشتووە بە 45.52 دۆلار بۆ هەر بەرمیلێک.

شایانی ئاماژەیە کە نرخی نەوت لە مانگی ئاوریل دا ٢١% هەڵکاشابوو کە زێدەترین ئاستی هەڵکشانی مانگانەی نەوت لە مانگی ٢٠٠٩ بەدواوە بوو. ئەو هەڵکشانە بەرچاوەی نرخینەوت بە هۆی کەم ىوونەوەی ڕێژەی بەرهەمهێنانی نەوتی ئەمریکا بوو کە بە پێی ئامارەکان بە هۆی کەمبوونەوەی چالاکی کۆڵینی بیرە نەوتییەکان لەو وڵاتدا بووە.

هەروەها دابەزنی نرخی دۆلار لەچاو پارە ئەرزییەکانی تر بۆتە هۆکارێک تا مامەڵە دۆلارییە نەوتییەکان بۆ وڵاتانی تر پڕمفاحتر بێت و داواکارییان بۆ کڕینی بەوت بچتە سەر.

سه‌رنج و كۆمێنت

كۆمێنت

‎وه‌ڵام بده‌وه‌

%d هاوشێوەی ئەم بلۆگەرانە: