هر کار په بود ءُ هِمّت انت

0
340
زالمیں ایرانی واکدار هنوں گوں ناراز ءُ زهرکنیں مردم دیم په دیم انت۰  چل سال ءِ زورانسری، پل ءُ پانچ، کُشت کشار، درملکی تروریسم، انسان کشی ءُ میلیوناں انسان ءِ زندجاورانی تباهی شیهه ٹولی ءِ موری بادشاهی ءِ برورداَنت۰   اگان چه ملا ٹولی ءُ هامنه ای  وت دلا سیاسی واک ءَ یله نه کننت بلئے آهانی انسان دشمنیں بادشاهی دراج کش نه بیت۰ 
ایرانی نزوریں اپوزیسیون گوں پرشتگیں سرینے چن ءُ لانچ انت تاں په ویرانیں ایرانءَ  هکومتے جوڑ بکننت۰ چه یک نیمگے رضا پهلوی لوٹیت پرشیاےءِ بادشاه بیت ءُ چه دگه نیمگے مجاهداں وتا را  تیار کنگاینت تاں وتی دابءَ کهدایی به کننت۰  جمهوری اسلامی ءِ چل سالءِ لٹ کٹ ءُ کُشت کُشارانی سوب ءَ  یک پرزوریں اُپوزیسیونے ماں ایران نیست انت۰ آیوکیں دور پارس ناسیونالیست ءُ هما که ایران ءِ “تمامیت ارضی” ءِ وهم ءَ انت نزیکتر ءُ تپاکتر بنت۰
*****
مئے ڈیه انت بلوچستان ءُ په وتی ماتی ڈیه ءِ پهریزگ ءَ هر بلوچے بایدانت تیار به بیت.  دور یک داب نمانیت  ما را پادآیگی ءُ  وتی راجی هکّاں پد جَنَگی ءُ گِرگی انت۰ وت ماں وتی اڑ ءُ
جیڑه یاں  هلاس کنگی ءُ ما را سرپدبیگی انت که تپاکی ءُ یکویی مئے چاره راه انت۰
*
چه جاسوس ءُ ڈنّی یاں هاسکار هما زابلی رستراں که بلوچاں دلسیاه کتگ شموشکار مه بئیں۰ زابلی ٹولی یان ءُ چه ایشانی سروکاں چوش که رستریں دهمرده، شهریاری، شهرکی، جهانتیغ، کیخا، تقی رخشانی، نورا ءُ کیخا بلوچانی ریتکگیں هونانی همک ترمپے ءِ جست کنگی انت۰ 
    *
ڈنّی یانی اڈکتگیں دیوال ءُ کنٹکی سیم ( سیم خاردار) که چه میرجآوه بگر تاں گواترءَ بلوچاں چه یکدگرا جتا کتگ  زوراکی ءِ شومیں نشان اَنت۰ اے دیوال آس کشگ لوٹیت ءُ سیم خاردار دور کنگی اَنت۰ هرجاه که کّل ءُ کانال اِ ش دررپتگ پدا باردیگ ءُ پُر کنگی اَنت۰  تپتان ءِ دروازه، ردیگ ءُ مندءِ راه، پنجگورءُ سراوان ءِ راه ءُ دراهیں رو ءُ آ ءِ راه ءُ رنگراهاں پچ کنگی اَنت۰
*
شهديں بلوچی زبان ءِ وانينگ ءِ تياري همک بلوچے ءِ راجی اگده ( مسئولیت) انت۰ اے پڑا بلوچ زانتکار ءُ راجی زبانزانتاں زوت دیما آیگی انت۰
*
ملک ءِ تیاب دپ ءُ بندنان دست گرگ ءُ زالمیں ڈنّی یانی درکنگی اَنت.  ڈـنی ملکانی واکدار هاسکار  هندوستانی، اوگاناں، روس ءُ کوریایی سرپد  کنگ لوٹنت که آهانی  درستیں کرارداد ءُ پیسله گوں سپاه  ءُ  تهرانءِ واکداراں گئیر کانودی ءُ په بلوچستان ءِ راجی سرمایه یانی پل ءُ پانچ اَنت۰ آ وتی کارمند ءُ مردم چه بلوچستان ءِ تیاب دپی شهر ءُ بندناں  در به کننت۰ آهاں زانگی انت که هچ بلوچے په وتی ملک ءِ نیلام کنگ ءَ رازی نهنت
 
   هلیل رود ءِ اوشتاتگیں آپ  یله کنگی انت تاں هزاراں بلوچ په ورگی آپ مهتاج مه بنت*
*
گوں ڈیه ءِ سستگیں بهرانی مردم دیوان ءُ ملک ءِ یکجاه کنگ ءِ دیمپاناں چار ءُ بیچار کنگ۰ بلوچ راج په بلوچستان ءِ ٹُکّرٹُکّر کنگ گوں نبوته ءُ دلجم اوں پدا ملک ءِ سرجم کنگ ءُ توامیں بهرانی هوری ءِ لوٹوک انت
   *
تهرانءِ بلوچ دژمنیں پندلاں هاسکار “طرح توسعه سواحل مکران” و “طرح تجزیه و تقسیم بلوچستان” اوشتارینگی اَنت۰
*
مئے ڈیه انت بلوچستان ءُ په وتی ماتی ڈیه ءِ آزات کنگ ءُ راجءِ رکینگ ءَ هر بلوچے بایدانت تیار به بیت۰

پروشت ءُ پروش باتنت ايران ءُ پاکستـــان
آزات ءُ آبــاد بــات گنجيـــں بلوچستــــــان
محمــد کريـم بلــوچ
دسمبر ۲۰۱۷

Comments

comments

‎ثبت نظر