بلوچستـان ءِ پليـں شهيـدان ءَ هـــزاراں ســـلام

0
1068

چآر سال پیش (بیست ءُ شش اکتبر سال ۲۰۱۳) ءَ ايرانءِ لدیگی  واکـداراں شانزده سياســی بنديگيــں بلـوچ ءَ ماں ايرآپ ( دزآپ ، زاهدان ) ءَ پاهـو دات ءُ يکرنــدے دگه وتی رستـــری کينگاں بلــوچ راج ءِ سرا درشــاں کتنـت۰
ايرانی واکداران ءُ آهانی دمگـی جــلاداں که بلوچستــا ن ءِ جاوران ءُ بلوچ کـوم ءِ زند اِش چه جهنـدم ءَ گنتر کتگ انسانی هکانی دژمن ءُ انسانانی بدواه انــت۰  اشاں ميـان استمانی کانود ءُ رهبندانـی منکــر انت ءُ انسانيـت ءُ دين اســلام ءِ رهبنـداں مدام لگتمال کننــت۰ گوں بنديگيــں بلوچ ورنايانــی  کشـت ءُ کـوش  لوٹنــت چه گلزميــنءِ مزاريـں سرمچاراں بيرگيری بکننــت۰
اگاں چه ايرانی جاهـل ءُ انسان دژمنيــں واکداراں سرپد  نه بنـــت که بلوچستــان ءِ هک لوٹــی کاروان ءِ جهدانـی ديمــا گوں زورانسری ءُ کشــت ءُ کـوش داشــت کــت نکننــت بلئــے دلجم به بنت که گـوں هونـواری ءُ بيرگيــری ماں بلـوچستــان ءَ باج نه برنـت۰ اـے همـا تاريخی درس انت که زورانسريــں صفوی ءُ گجــر بادشاهـاں ديگ بوت بلئـے هنوگيـں فاشيستيــں  واکداراں  شموشتـگ۰
 بلوچستــان ءِ راجـی جهدکار ءُ سياســی بنديگاں که مـاں  واکدارانـی  بنديجـاه ءَ ماں ايـرآپ ءَ شهيــد کنـگ بوتنت بلــوچ شهيدانی بيگناهی ءُ پاکـی ءِ شانـزده  درور انـت۰ درستانـی گنـاه ءُ ميــار آزاتی پسندی ءُ فاشيستانی هلاپ ءَ جد ءُ جهـــد اَت۰ آ سرمتابیں بلوچ اوبادگاں وتی  ســر ڈنـی واکدارانی زلم ءُ زور ءِ ديما جهل  نکـت ءُ تاں ابــد سربلنــد ءُ نميــران بوتنـــت۰
 ايرآپ ءِ پليــں شهيـــداں  شهيــد عبدالمالک میر بلوچ زهـی ( حمزه ریگـی ) ، شهيــدعبدالوهاب ریگـی ، شهيــد مهر الله ریگـی، شهيــد نوید شجاعــی  ، شهيــد حبیب الله ریگی نژاد شورکـی ، شهيــد حامد وکالـت ،  شهيــدبشیراحمد حسین زهـی ،  شهيــد ناظــر ملازهـی، شهيــداحمد حسین زهــی، شهید جدگال هور گوں پنج دگه پاکيـں شهيــد بلوچستــان ءِ شهيدانـی دراجيــں کاروان ءَ هـور بوتنــت ءُ گوں وتی شيرکنيــں زنــد ءِ ندر کنگ ءَ گلزمين ءُ بلوچ راج ءِ آزاتی ءِ مستاگ اِش دات۰
 محـمـد کـريـم بلــوچ

Comments

comments

LEAVE A REPLY

Please enter your comment!
Please enter your name here