شهيـد پروفيســرصبــــا دشتيــــاری بلوچستــــان ءِ راجـدوستيـــــں شهزانــــت ءُ بلوچــــی زبان ءِ مــزن ندکــار ءُ بلوچــــی ادب ءِ کلانيــں استـــــاد اول جون سال ۲۰۱۱ عيساييءَ مــــاں شـال ءَ رستريـں دژمنانــی تيرانـی آماچ بـــوت۰
استاد صبا دشتیاری یک کلانیں ندکار ءُ لچّه کار ءُ کوّاسے اَت ۰ آیی ءِ هژده کیمتی کتاب بلوچانی راجی ءُ ادبی سرمایه ءِ باارزشیں بهرے اَنت۰ استاد ءِ چاپ ءُ شنگ بوتگیں کتاب ایش اَنت: گلکار ءُ چکنکار ، بلوچی زبان ءِ آکبت، گندامیں سرزمین، ہون ہوشام، ساچان ءُ سہاتو، ترانگانی بنزہ، آس ءُ آسیب، بلوچی زُبان ءُ لِبزانک ءُ انگریں واہگ۰
راجـی شهزانــت شهيـــد صبـــا دشتيـــاری گـوں بلوچستـــان ءِ آزاتی ءِ بـيــرک ءِ بـرزکنـــگ ءَ جارپرينـت که وت مستـــری ءُ بلوچستـــان ءِ آزاتی بلــــوچ راج ءِ واهـگ ءُ هــَکّ انت۰ په همـے هاتـــرا هونواريــں پاکستانی واکـــداراں وتـی رستـــری کينگاں آيـــی ءِ سرا درشـــان کرتنـــت ءُ بلوچستـــان شهــدربرجـــاه (دانشگـــاه) ءِ بـے دروريــــں شهزانــت ءُ بلـوچــی زبان ءِ استــاد اِش گـــٹ تروس کــرت۰
راجـی شهزانــت شهيـــد صبـــا دشتيـــاری گـوں بلوچستـــان ءِ آزاتی ءِ بـيــرک ءِ بـرزکنـــگ ءَ جارپرينـت که وت مستـــری ءُ بلوچستـــان ءِ آزاتی بلــــوچ راج ءِ واهـگ ءُ هــَکّ انت۰ په همـے هاتـــرا هونواريــں پاکستانی واکـــداراں وتـی رستـــری کينگاں آيـــی ءِ سرا درشـــان کرتنـــت ءُ بلوچستـــان شهــدربرجـــاه (دانشگـــاه) ءِ بـے دروريــــں شهزانــت ءُ بلـوچــی زبان ءِ استــاد اِش گـــٹ تروس کــرت۰
شهيـــد صبــا دشتيـــاری وتی کيمتــی ســـاه ءُ جــان په بلــوچ ءُ بلوچستــان ءَ ندر کــت ءُ گــوں وتــی زگريـــں هـوناں بلوچستــان ءِ آزاتی ءِ بيــرک ءَ سهرتــر کـــرت ءُ راج ءِ هـــزاراں شهيدانــی کاروان ءَ هـــور بـــوت۰ شهيـــد صبا دشتيـــاری ءِ سهريـــں هوناں بلـــوچ راج ءِ آزاتی ءُ بلوچستــان ءِ وت مستــری ءِ مستـــاگ اَنـت۰
اداں دو گــپ نبيسگــــی انـــت۰ يکی ايــش که مئـے سياســی ســـروک ءُ راجی شهــزانتــاں باز هـــژار به بــنــت۰ رنـــد چـــه شهيــــد بالاچ، شهيـــد گـــلام محمد، شهيــد عبدالمالک ريگــی، شهيــد شيرمحمــد، شهيــد صبا، شهيــد جليـل ريکــی، شهيــد ثنـا بلـــوچ ، شهید دکترمنّان ءُ دگه کلانيـــں بلوچانـــی تــرور ءُ شهيـــد کنــگ ءَ دگــه هــچ شــک ءُ شهبــه اے پشــت نه کپتــه کـه دشمــن ءِ يکـے چه شوميـــں مکســداں راجــی برزیــں ســرانی گُـــڈَّ گ يا که گــٹ تــروس کنگ انت۰
تهـــران ءُ اســـلام آبـاد ءِ بلـــوچ دژمنيــــں واکـــداراں پــه بلوچانـــی کشـــت ءُ کـــوش ءَ هــم شـــور انــت۰ په پاکستــان ءُ ايرانـی واکدارانــی مـدامــی بدنيتــی ءُ بلــوچ دژمنیــں مکســداں ناکــام کنــگ دراهيــں بلوچانــی راجی اگده انــت۰ هاســکار مئـے راجـی زانتــکار بايد انـــت که مـدام هــژار به بــنــت۰
دؤمــی گـپ ايش که شهید دشتیاری ءِ زندگیں یات بزاں سيــد هاشمــی ريفرنـس کتابجــاه یک کم دروریں پٹ ءُ پولی ( تحقیقی ) بُنجاه ءُ راجی وانینگی اداره ایت۰ اے اداره ءِ کابینه ءَ هرکس وتی وسّ ءَ تچکاتچـک (مستقيــم ) کمک ءُ مَدت بکنت تاں په شهدیں بلوچی زبان ءِ دیمروی ءُ ادبی جهد ءُ کوشستاں کامیاب به بنت ءُ بے دروریں استاد دشتیاری ءِ یات مدام زندگ دارگ بات۰
بلوچستــان ءِ پُلّيــں شهيــدان ءَ هــزاراں ســــلام
محمــد کـريــم بلـــوچ
Comments
