ماں ایران ءِ آوارجتگیں بلوچستــان ءَ په بلــوچءِ راجی سرمایه ءُ کومی مال ءُ مڈی ءِ پل ءُ پانچ کنگءَ پارس فاشیستانی “وزات صنایع و معادن” ءُ آهانی “اداره صنایع و معادن ” ماں دزآپ ءُ رستریں سپاهِ پارس گوں ایرانی آهیریں سرمایه کار دست ماں دست داتـگ.
بید چہ سُهــر (تلاه)، مسءُ آسن ءَ بلــوچ راج ءِ دژمن بلوچستان ءِ جهل ءِ نبشتگیں کیمتی مأدن هر روچ ءَ دُزانت ءُ برنت۰
سنگ مرمر: چہ واش، فازی لک، لادیز، خیر آباد، کهنوکءُ چاه زرد ءَ
سنگ آهک: چہ گرتیراں، کلهر، چشمه رضایی، هنگوراں، شتگان ءُ ڈمن ءً
هما سِنگ که په لوگانی اڈ کنگ ءَ کارمرزبنت : چہ رمین، پیرسهراب، کلات بالا، کشکوهی، بستک، سدرا سنگ، برزی گچیں، جهلی گچیں، کهنوج، وادیں کوه، کوه بیرک، کوه ملک سیاه ،مکساں، منزل آپ ءُ گَرّهوشکءَ
سنگ گرانیت :چہ رتل سیاه، بوگ، لوچو، لخشکءُ کتارخنجک ءَ
منیزیت: چہ واش ءِ ترش آباد ، کورین ءِ حسن آباد ءُ کلابید (قلعه بید) ءَ
اسپیت سنگ: چہ کوه نیلگ ءُ کوه لارءَ
سنگ کیانیت ( سبز) : چہ کوه تپتانءُ کوه ملک سیاه ءَ
گڈ سرا گوشگی انت کہ پارسءِ تماه کاریں کواس گوں لشکر پارس ءُ “اداره صنایع و معادن” ءِ مدت ءَ ماں بلوچ گلزمینءِ بازیں هںدے ءَ په الماس ءِ درگیجگ ءَ هم تلوساں گَشتَگ ءُ چاراِتگ، بلئے تنی وهدی ماں اے کارا دیمروی اِش نہ کتگ، بزاں الماسءِ نشانے دست اِش نہ کپتگ.
Comments
