بنکەیەکی تری پترۆشیمیی ئێران ئاگری گرت

0
443

ڕۆی کورد:  هەواڵدەریی فەرمیی کۆماری ئیسلامی، ئەمڕۆ چوارشەممە 24ی خەرمانانی 1395ی هەتاوی هەواڵی ئاگرکەوتنەوەیەکی تر لە پترۆشیمیی عەسەلویەی بڵاو کردۆتەوە.

ئەو ئاگرکەوتنەوە ٤ کەسی تێدا بریندار بووە و دەگوترێ دۆخی کەسێکیان زۆر ئاڵۆزە

قاسم قائدی، بەڕێوەبەری گشتیی ڕێوەبەریی قەیران لە پارێزگای بوشێهر لەمبارەوە گوتوویەتی: “ئەم ئاگرکەوتنەوەیە پێش نیوەڕۆی ئەمڕۆ ڕووی داوە و ٤ کەس تێیدا بریندار بوون کە ڕادەی سووتانی کەسێکیان 65%ـە.

قائدئ هەروەها گوتوویەتی: “ئەو ئاگرکەوتنەوە لە “وێستگەی کۆنترۆڵی گوشاری کۆمپانیای پترۆشیمیی موبین” ڕووی داوە.

بەو ئاگرکەوتنەوەیە، ئەوە دەیەمین ئاگرکەوتنەوەیە کە لە ماوەی مانگی گەلاوێژ و خەرمانان لە بنکە نەوتی و پترۆشمیشمییەکانی باشووری ئێران هاتۆتە ئاراوە.

بە سەرنج دان بە ڕێژەی ئاگرکەوتنەوەکان و هەروەها بوونی هەندێک بانگەشە، ئەو ئاگرکەوتنەوانە لە لایەن هەندێک گرووپ و ڕێکخراوی دژبەری ئێران لەو ناوچەیە هاتوونە ئاراوە.

 

سه‌رنج و كۆمێنت

كۆمێنت