هەوڵێکی تورکیە بۆ کوشتنی دژبەرە کوردەکانی لە دەرەوە، ئاشکرا بوو

0
1198

دوای ئەوەی کەسێکی هاووڵاتیی تورک بە تاوانی سیخوڕی لە شاری هامبۆرگی ئاڵمان دەستبەسەر کرا، زانیارییەکان باس لەوە دەکەن کە ئەو کەسە بەنیازی کوشتنی کوردە دژبەرەکانی دەوڵەتی تورک بووە.

ڕۆژی کورد: ڕۆژی یەکشەممە ٢٨ی سەرماوەزی ١٣٩٥ی هەتاوی، رۆژنامه‌ی “بێڵد”ـی ئاڵمان هەواڵی هەوڵدانی دەوڵەتی تورکیە بۆ کوشتن و تیرۆری دژبەرانی کوردی دەوڵەتی تورکی لە دەرەوەی وڵات، بلاو کردەوە.

ڕۆژنامەی “بێڵد” لەمبارەوە نووسیویەتی: “به‌گوێره‌ی ئه‌و زانیارییانه‌ی له‌ كه‌سانی ده‌وروبه‌ری ئه‌و تۆمه‌تباره‌وه‌ كه‌ سه‌ر به‌ ده‌زگای هه‌واڵگری توركیایه‌ ده‌ستكه‌وتووه‌، ئه‌و كه‌سه‌ به‌ نیازی كوشتنی دوو كه‌سایه‌تی پایهبەرزی كورد بووه‌، یه‌كێكیان له‌ ویلایه‌تی برێمن و ئه‌وی دیكه‌شیان له‌ برۆكسلی پایته‌ختی وڵاتی بێلژیک ده‌ژین”.

بەپێی لێدوانی داواكاری گشتی لە كالسروه‌ـی ئاڵمان ” ئه‌و تۆمه‌تباره‌ی رۆژی پێنج شه‌ممه‌ی ڕابردوو له‌ هامبۆرگ و لە کاتێکدا دەستبەسەرکراوە کە سه‌رقاڵی كۆكردنه‌وه‌ی زانیاری  له‌سه‌ر شوێنی نیشته‌جێبوونی كورده‌كانی نیشتەجێی ئاڵمان و چالاكانی سیاسی و کەسانی نزیک بەوان، بووە”.

پێشتر، کۆماری ئیسلامیی ئێرانیش لەم چەشنە تیرۆرانەی ئەنجام داوە و دوکتور عەبدووڕەحمان قاسملوو و دەکتور سادق شەرەفکەندی، ئەو دوو ڕێبەرە کوردەی کوردستانی ڕۆژهەڵاتن کە لە دوو وڵاتی ئاڵمان و ئوتریش لەلایەن کومیتەی ٤٠٠ی سپای قودسی کۆماری ئیسلامیی ئێران، تیرۆر کراون.

سه‌رنج و كۆمێنت

كۆمێنت