شێعرێگ لە نەسرین شەفیعی(هانا)

0
877

چمک ژیاند بگر و بچوو
لە ناو ئێ لیخناوە
کەس وێنەی خوەی وە رەنگین نیەۊنێ
بایەس ئەوقەرە جەور لە ملدا مەوج بێەی
کە چۊ ئاوینە خوەد لە ناو خوەد دیار بیەی
تا هەوەجەد وە دڵ سیەی کەس نەکەفێ
تا نۊن خاسد وە خراو نێەن
ئافرەت ئەزرەتمەن
ئافرەت پڕ لە خوەزیەو دڵم
لە ناو خوەد هەڵا
لە ناو خوەد بژیە
لە ناو خوەد بمر!
دنیا سەرێ گەرم جەنگە
کوورپەی رووژنای شەش مانگان لە بار خوەر چێیە
هەر جا چنگ بکوتی
سیاتیە!
ئێ جامەکەیلە گشتێان درووزنن
ئافرەت ئەزرەتمەن
ئافرەت پڕ لە خوەزیەو دڵم
ت لە ناو هۊچکامێان شوون خەنیند نیە
دەمچەو مانگد لە ناو دەورملی چەرمێ گریایە
لە هۊر سنوورەیل
شلێر و نەرگس چێیە
تا ت خەمینی
تا من خەمینم
تا گشت خەمینن
دنیا هەیتاهەیت ژانێ گرێد و
رووژنای مردێ تیەرێ…

نەسرین شەفیعی(هانا)

سه‌رنج و كۆمێنت

كۆمێنت