سەدان کوژراو و بریندار لە هێرشی تێرۆریستی بۆ سەر چەن کەنیسە و ئۆتێل لە وڵاتی سری لانکا

0
741

رۆژی كورد : دوابەدوای روودانی چەن تەقینەوەی بە هێز لە لایەن گرووپە توندرەوەکان لە وڵاتی سریلانکا زیاتر لە ٢٠٠ هاووڵاتی کوژراو و سەدان کەس بە توندی بریندارن، هێرشەکان کە بریتی بوون لە ٦ تەقینەوەی بە هێز هاوکات سێ کەنیسە و سێ ئۆتێلیان کردە ئامانج و لە نێو کوژراوەکان کەسانێکی زۆری بیانی کوژراون.

هاوکات لە گەڵ رۆژی جەژنی پاک جەژنی مەسیحیەکان لە وڵاتی سریلانکا لە تەنیشت کەنیسە و ئۆتێلەکانی شاری كۆلۆمبۆ پێته‌ختی ئەو وڵاته‌ چەندین تەقینەوەی بە هێز لە لایەن گرووپە تۆندئاژوکان روویدا و بوونە هۆی کۆژران و بڕینداربوونی کەسانێکی زۆر کە زۆربەی کوژراوەکان خەڵکی بیانین و ئەگوترێت کە دواین تەقینەوە لە ئۆتێلێک نزیک باخچەی ئاژەڵانی وڵاتی سریلانکا رووی داوە و تا هەنووکە ئاماری تەواوی کوژراو و بریندارەکان ناروونە بەڵام باس لە کوژرانی زیاتر لە ٢٠٠ کەس و بریندار بوونی ٤٠٠ کەس ئەکرێت.
هه‌نووكه‌ تا ئێستا هیچ كه‌س یان گرووپێكی تایبه‌ت ته‌قینه‌وه‌كانی وه‌ئه‌ستۆی خۆی نه‌گرتووه‌ و تاوانباران یان تاونباری سه‌ره‌كی دیار نیه‌ و سه‌رۆك وه‌زیرانی وڵاتی سریلانكا ئه‌و هێرشانه‌ی به‌ توندی ئیدانه‌ كردووه‌ و ڕق و كینه‌ی خۆی له‌ ئاست ئه‌و جنایه‌تانه‌ ده‌ربڕیوه‌ و هاوخه‌می خۆی بۆ بنه‌ماڵه‌ی قوربانیان و لێقه‌وماوان ڕاگه‌یاندووه‌.
به‌ كۆتایی هاتنی شه‌ڕ و ئاژاوه‌كانی ناوخۆ له‌ ساڵی ٢٠٠٩ به‌ ڕیبه‌رایه‌تی گرووپی جیاییخوازی به‌بره‌كانی تامیل كه ماوه‌ی ٢٨ ساڵ به‌رده‌وام بوو شه‌ڕ له‌ نێوان گرووپه تۆندئاژۆ ئایینیه‌كان ده‌ستی پێكردووه‌ و زۆربه‌ی هێرشه‌كانیان بۆ سه‌ر مزگه‌وتی گرووپه‌ مۆسۆڵمانه‌كان بووه‌ زیاتر له‌ ٧٠% خه‌ڵكی وڵاتی سریلانكا په‌یڕه‌وی ئایینی بوودان و نزیك به‌ ١٣% جه‌ماوه‌ هێندوون و ١٠% دانیشتوانی مۆسۆڵمان و په‌یڕه‌وی ئایینی ئیسلامن بۆیه‌ به‌رده‌وام كێشه‌ی نێوان ئایینه‌ جیاوازه‌كان و كه‌مینه‌ ئایینیه‌كان به‌رده‌وام و درێژه‌ی بووه‌.
وێنه‌كان و ویدیۆكان له‌ سه‌ر تۆڕه‌ كۆمه‌ڵایه‌تیه‌كان و ماڵپه‌ڕه‌ هه‌واڵنێریه‌كان نمایش له‌ رووخانی كه‌نیسه‌ و ئۆتێله‌كان و شكانی شووشه‌ی په‌نجه‌ره‌ و درگاكان و خوێنی رژاو ئه‌كه‌ن و باری ئه‌منی تۆند له‌ وڵات ڕاگه‌یه‌ندراوه‌ و قۆتابخانه‌ حكوومیه‌كان تا دوو رۆژی داهاتوو داخراو ئه‌بن.
زیاتر له‌ یه‌ك ملۆێن و نیو خه‌ڵكی دانیشتووی وڵاتی سریلانكا په‌یڕه‌وی ئایینی مه‌سیحیه‌تن كه‌ زۆربه‌یان له‌ ڕێره‌وانی كه‌نیسه‌ی كاتۆلیكی رۆم له‌ وڵاتی ئیتالیان و زۆرترین خه‌سار له‌ كه‌نیسه‌ی سه‌نت ئانتۆنی له‌ شاری كۆلۆمبۆ پێته‌ختی ئه‌و وڵاته‌ بووه‌ كه‌ زۆرترین بیانیه‌كان سه‌ردانی ئه‌و كه‌نیسه‌ ئه‌كه‌ن و له‌م هێرشانه‌ی ئه‌مڕۆ دا به‌ وته‌ی پۆلیسی ئه‌و وڵاته‌ زیاتر له‌ ٣٥ كه‌س له‌ قوربانیه‌كان بیانی و خه‌ڵكی وڵاتانی دراوسێ بوون.
وڵاتی سری لانكا وڵاتێكی ئاسیایی هه‌ڵكه‌وته‌ له‌ باشووری هێند و كه‌نداوی هێنده‌ و سیسته‌می حكوومه‌تی كۆماری دێمۆكراتیكی سۆسیالیستیه‌ و به‌ پێی دواین ئاماره‌كان دانیشتووانی ئه‌و وڵاته‌ ئه‌گاته‌ ٢٢ ملوێن و نیو كه‌ یه‌ك ملوێن و نیو له‌ دانیشتووانی په‌یره‌و ئایینی مه‌سیحیه‌ت و كاتۆلیكین كه‌ ئه‌مڕۆ له‌ گه‌وره‌ترین جه‌ژنی ئایینی خۆیان له‌و وڵاته‌ كه‌وتنه‌ به‌ر هێرشی تێرۆریستانی گرروپه‌ تۆندره‌وه‌كان و له‌ ئاكام دا كوژرا و بریندارێكی زۆریان لێكه‌وه‌ته‌وه‌ و جه‌ژنی پاكیان لێ بوو به‌ شین و شیوه‌ن. وه‌زیری به‌رگری وڵاتی سری لانكا دوانیوه‌ڕۆی ئه‌مڕۆ یه‌كشه‌ممه‌ ڕایگه‌یاند كه‌ به‌رپرسانی هێرشه‌ تێرۆریستیه‌كه‌ له‌ لایه‌ن پۆلیسی ئه‌و وڵاته‌وه‌ ده‌زگیر كراون و ته‌نیا باسی له‌وه‌ كرد كه‌ گاری گرووپێكی تۆندئاژۆی تێرۆریست بووه‌ و ئامانجیان رووخانی باری ئه‌منی وڵات و هێرش بۆ سه‌ر كۆمه‌ڵگای مه‌سیحیه‌كانی ئه‌و وڵاته‌ بووه‌ و له‌م باره‌وه‌ ناوی كه‌س یان گرووپێكی تایبه‌تی نه‌هێنا و هه‌روه‌ها ڕایگه‌یاند ماوه‌ی ١٢ سه‌عات باری ئه‌منی هاتووچۆ له‌ هه‌موو وڵات ڕاگه‌یه‌ندراوه‌ و هاتووچۆكان كۆنترۆڵ كراون.
سه‌رۆك كۆمار و سه‌رۆك وه‌زیرانی ولاتی ئاڵمان له‌ تۆی دوو په‌یامی جیاواز هاوخه‌می خۆیان بۆ سه‌رۆك كۆماری وڵاتی سری لانكا ڕاگه‌یاند و ئه‌و هێرشانه‌یان به‌ تۆندی ئیدانه‌ كرد و باسیان له‌ قێزه‌ون بوونی هێرشه‌كان كرد و ئاماژه‌یان به‌وه‌ دا كه‌ جێگای سه‌رسووڕمان و سه‌ره‌نجه‌ كه‌ ئه‌مجاره‌ هێرش بۆ سه‌ر كۆمه‌ڵگای ئیماندارانی مه‌سیحی ئه‌و وڵاته‌ كراوه‌ و باسیان له‌وه‌ كردووه‌ كه‌ نابێت ئیجازه‌ بدرێت جارێكی دیكه‌ هێرشی هاوشێوه‌ی له‌و چه‌شنه‌ بۆ سه‌ر ئیمانداران دووپات ببێته‌وه‌.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.