گراو- حامید مائیلی

0
158

شه‌و   نییه‌  نه‌گریم  نه‌بارێنم   به‌  ده‌م   ده‌ردانه‌وه‌

شه‌و نییه‌ نه‌شکێ دڵم وه‌ک جام به‌ ده‌ست مه‌ستانه‌وه‌

هاتییه‌   جاڕی   دڵم   تۆوی    ئه‌وینت   پێوه‌  کرد

من  به ‌ فرمێسکی  گه‌شم  مردم  به‌  ده‌م   ئاودانه‌وه‌

لێده‌دا   هه‌ر   وا    خه‌ریکی    لینگه‌فرتانه‌     دڵم

وه‌ک     مه‌لێکی   سه‌ربڕاو   بە  ئێش و ئازارانەوە

بوومه‌  داری  چاکی  سه‌ر  ڕێگای  گراوی    دڵڕه‌قم

ئاوی لاقم چوون به‌ هۆی هێنده‌ له‌ سه‌ر ڕێی مانه‌وه‌

مۆن یو  و لالووتی  یو ئاوڕی بە خێسیت کووشتمی

دڵمی  کرمێ   کردووە   ڕەوتت  به‌و  ئه‌توارانه‌وه‌‌

تا “خەمین” ماوە  دەبێ  دەگرێوی  تۆ دابێ  دڵی

چونکوو بێ بارمتەشە  نەلواوە  دڵ ئەستاندنەوە

حامید مائیلی

Related Post

سه‌رنج و كۆمێنت

كۆمێنت

‎وه‌ڵام بده‌وه‌