بیروڕای ئازاد : ڤیدیۆی بڵاو کراوەکەی پ ک ک هی ئیدارەی ئیتلاعاتە

0
125

ڤیدیۆیەک لە لایەن پژاکەوە بڵاو بۆتەوە چنەد تێبینی تێدان:

هەڵمەت مەعرووفی
هەڵمەت مەعرووفی

یەک: دەنگی ئەو ئافرەتە شەڕوانە زۆر ئاساییە و زۆرتر دەڵێی هەواڵنێرە تا کەسێک کە لە بەرەکانی شەڕ دایە.
دوو: دەنگی تەقە هیچ لە لای کامێراکەوە نایە کە هەڵبەت موبایلە، دەنگەکە لە لایەکی ترەوە دێت.
سێ: بەشێکی زۆر لە جاشەکان و ئامبووڵانس و تەنانەت ئەوەی کە تەلەفوونەکەی پێیە (پێدەچێ فەرماندە بێ یان کەسێکی گرنگ) لە ژێر چاوی کامێرا و بە قەولی ئەوان گریلادایە بەڵام چۆنە کەسیان ناکوژن؟
چوار: گووللەکە لە پشتەوەڕا وە پاسدارەکە دەکەوێ و بە هۆی ئەوەی کە مەودای دووریبن و کوژراو زۆرە، پێ ناچێ کەمین لەو لایەوە گیرابێ. شێوازی هەڵاتنی جاشەکانیش و چاو لە دووربین کردنیان و خۆشاردنەوەیان وا نیشان نادا تەقە لەوێوە کرابێ کە کامێراکەی لێیە.
شەشەم: ئەو خاتوونە گریلایە کە قسە دەکا یەک چرکە کوشتن نیشان دەدا و دوایی دەڵی ئەوە ئامبووڵانسەکە هات کوژراو و بریندار دەباتەوە، دەبێ بپرسین ئامبووڵانس لە ٣ چرکەدا چۆن گەیشتە جێ؟

پێنج: خاڵێکی تری جێگای سەرنج، کاتە، لە ڤیدیۆیەکەدا ئەو گریلا کوڕە کە تەنیا ئەوەندە قسەیە دەکا دەلێ: نها سەعەت ٦ و چل دەقەیە، بەڵام بە شایەتی هەموومیدیاکان و ڕاگەیێنەکان ئەو کوشتارە بەر لە بەیانی و سەرەتای ڕۆژ بووە کە بە گوێرەی زەمەن، لە کات ژمێر شەش و حەوتی بەیانیدا بووە، بەڵام چۆنە ئەو هەڤاڵە دەڵێ شەش و چل دەقەی ئیوارە بووە؟ بەو پێیەش بی ئەو فیلمە دواتر کە لە لایەن ئیتلاعاتی سپاوە گەیشتۆتە دەست هەڤاڵانی پ ک ک، دەنگی لەسەر داندراوە و خاتوونێکی ئارام و لەسەرەخۆ و پیاوێکی دەنگ نەبڕسکاوی دوور لە مەیدان و بەرەی شەڕ، قسەکان لەسەر کردووە و هەموو بەشەکانی تری ڤیدیۆکە بێدەنگ کراون چون دەنگی تری لە پشتە کە بە قازانجی هەڤاڵان نیە بڵاو ببێتەوە.

شەش: لەو گرتە ڤیدیۆییەدا تەنیا دەنگی ئافرەتێک و کوڕێک بۆ ماوەیەکی کەم دێت، چۆنە هیچ سرتە و خورتە یان دەنگی تر نابیسرێت؟ ئایا کەسی تر لەو کاتەدا لەوێ نیە؟ فەرمانی هێرش کێ دەریکردووە؟ چۆنە لەو گرتە ڤیدیۆیەدا بۆ شانازیش بێ یەک گریلا نیشان نەدراوە؟


کۆبەندی:
بۆچوونی من و چەند کەسی تریش ئەوەیە کە ئەو ڤیدیۆیە بە موبایلی خودی ئیتلاعات و سپا گیراوە بەڵام دواتر دراوە بە هەڤاڵانی هاوپەیمانییان واتا پ ک ک و هەر بۆیەشە دوای نزیک بە حەوتوویەک بڵاو دەبێتەوە ئەگینا پ ک ک ئەو شۆڕشگێڕە نیە وا بە تەحەموول بێت و هەر وەک بەیاننامەکەشی نزیک بە دوو ڕۆژ دواتر بلاو کردەوە ئەو فیلمەشی نزیک بە حەوتوویەک زیاتر دوای ڕووداو بڵاو کردەوە ئەگینا خۆ لە ڕووداوی کێلەشین هەر بە چرکە چەواشەکاری و فیلمی بڕاویان بلاو دەکردەوە.
لە هەمووی گرنگتر دەنگی ئەو خانمەیە کە پێدەچێ زۆر جاری تریش خۆم لە ڤیدیۆکانی پژاکدا دەنگیم بیستبێ و هەروەها ڤیدیۆکە بە هیچ چەشنێک گریلاکان نیشان نادات.

پێدەچێت مەبەست لەو کارە، هاندانی هەست و سۆزی دێموکرات بیت بۆ ئاشکرا کردنی بەڵگەکان و لە دواتر جێ بە جێ کردنی پیلانەکانی ڕژیم بێ کە لەوانەیە یەکیان تۆپباران و بۆمباردومانی قەندلی بێ کە لەو کاتەدا خەسارێکی ستراتژیکە بۆ کوردی هەر دوو لای کوردستانی باشوور و ڕۆژهەڵات

بۆ بینینی ڤیدۆیە بڵاو کراوەکە لێرە کرتە بکەن

سه‌رنج و كۆمێنت

كۆمێنت