ژنێکی دووگیانی ٢٦ ساڵان لە مەریوان خۆی سووتاند

0
138

بە پێی هەواڵی گەیشتوو بە ڕۆژی کورد، ڕۆژی شەممە ١٧ی ڕێبەندان، ژنێکی دووگیانی تەمەن ٢٦ ساڵان، لە بەشی سەرشیوی سەر بە شاری مەریوان ئاگری لە جەستەی خۆی بەردا و خۆی کوشت.

بە پێی ئەو هەواڵە، ئەو ژنە کە سگ پڕ بووە، بە خۆسووتاندن، کۆتایی بە ژیانی خۆی و منداڵەکەی هێنا.

تا کاتی بڵاوبوونەوەی ئەو هەواڵە هۆکاری خۆسووتاندن و خۆکوژی ئەو ژنە ناڕوونە.

ڕووداو و کارەساتی خۆکوژی و خۆسووتاندنی ئافرەتان لە ئێران و کوردستان لەم ساڵانەی دواییدا بەرەو زیاد بوون چووە بەجۆرێک کە لە یەک مانگی دواییدا، ژنێکی گەنج لە شنۆ و کچێکی گەنج لە سنە خۆیان کوشت.

زانیارییەکان باس لەوە دەکەن کە لە ماوەی یەک ساڵی ڕابردوودا تەنیا لە شاری سنە ٩٠ ژن دەستیان داوەتە خۆکوشتن و لەو ڕێژەیە ٩ کەسیان سەرکەوتوون خۆیان بکوژن و کۆتایی بە ژیانیان بێنن.

سه‌رنج و كۆمێنت

كۆمێنت

وەڵامێک بنووسە