چاپ نمایشنامەی کوردی لە کرماشان

0
340

کتاو (نمایشنامەیگ ئڕا بازی) پێکھاتەی لە سێ نمایشنامە وە زوان کوردی(کەڵهوڕی/کرماشان) لە نۊسەر کورد نەسرین باباخانی چاپ کریا .
ئێ کتاوە ک 70 لاپەڕەس و لە لایەن وەشنگە(انتشارات)ی داستان وە سەرپەرەستی فەریاد شیری ھاتێیەسە چاپ تا چەن روژ تر لە کتاوفروشیەیل کرماشان، ئیلام، سنە و ئورمیە بڵاو و  پەخشەوبوود.
جی وەتنە ک یەکێگ لە نمایشنامەگان پارەکە لە فستیڤاڵ نمایشنامەنووسی لە شار ئامەد(دیاربەکر) تۊەنی خەڵات بگرێ .

ئێ کتاوە ک یەکێگ لە خاسترین نمایشنامەیل کوردیە، وە پێشەکی د.بھرووز چەمەن‌ئارا و وێراشتەری ژیار جھانفەرد، لە چاپ دەرھاتێیە.

نەسرین باباخانی دکترای ئەدەبیات ئنگلیسی لە وڵات ئەڵمانە و یەکێگ لە نۊسەرەیل خاس کرماشانە ک تا ئیسە دو کتاو ترەکێ وە ناو (مشتێ خوەشی/مەجمووعە چیرووک) و (واریاسیون ئۆردەک/وەرگێران نمایشنامەیگ لە دەیڤید مەمت) لە لی چاپ بۊە.

سه‌رنج و كۆمێنت

كۆمێنت