پێشانگایەکی تایبەت بە وێنەکانی کۆماری کوردستان لە دانمارک کراوە

0
347

حیسام ئەحمەدی و نەرمین عوسمانی ژن و مێردێکی گەنجی ڕۆژهەڵاتی ئەندامی حیزبی دێموکراتی کوردستانی ئێران و نیشتەجێی وڵاتی دانمارک، بە بۆنەی 2ی رێبەندان یادی 70ساڵەی دامەزرانی کۆماری کوردستان، پێشانگایەکی تایبەت بە وێنەکانی سەردەمی کۆماریان لە شاری” بۆڕن هۆڵم” لە وڵاتی دانمارک کردەوە.
رۆژی دووشەمە رێکەوتی 5ی رێبەندانی 1394ی هەتاوی بە بۆنەی بەرز ڕاگرتنی یادی 70ساڵەی دامەزرانی کۆماری کوردستان، پێشانگایەکی تایبەت بە وێنەکانی کۆماری کوردستان لە شاری” بۆڕن هۆڵم” کرایەوە کە لە لایەن بەشداربووان کە سەر بە نەتەوە جیا جیاکانی وەک ” دانمارکی، کوردانی هەرچوار بەشی کوردستان، فارس، ئەفغانی و …” پێشوازی گرمی لێکرا.
جێگای ئاماژەیە کە نووسراوێکی تایبەت بە کۆماری کوردستان و کەسایەتی پێشەوا قازی بە زمانەکانی ” کوردی، فارسی ، ئینگلیزی و عەرەبی” خرایە بە دیدی بەشداربووان .
شایانی باسە کە پێشانگاکە لە کات ژمێر ٢ی دوانیوەڕۆی ئەو ڕۆژە دەستی پێکرد و تا کات ژمێر حەوت و بۆ نزیک بە پێنج کات ژمێر بەردەوام بوو.

حیسام ئەحمەدی لەمەڕ هۆکار و هاندەری دانانی ئەو پێشانگایە بۆ ڕۆژی کورد دوا و گوتی: ماوەیەک بوو لەگەڵ خێزانم بیرمان لە ئەنجامدانی چالاکییەکی نوێ لە بۆنە حیزبییەکاندا دەکردەوە، بە هۆی ئەوەش کە لە شوێنی ژیانی ئێمەدا زۆرتر خەڵکی بیانی و غەیری کوردن، ئێمە هاتینە سەر ئەو باوەڕە کە پێشانگایەک دابنێن کە ناسێنەری کورد بێ.

ئەحمەدی لەمەڕ شێوەی بەڕێوەچوونی پێشانگاکە گوتی: لەو پێشانگایەدا جیا لە وێنەکان، زانیارییەکی زۆرمان لەسەر کورد و وێنەکان بە چەند زمانێکی وەکوو دانمارکی و عەرەبی و ئینگلیسی بۆ سەردانکەرانی پێشانگاکە دانابوو کە تێیدا کەسایەتی پێشەوا و هەروەها کۆماری کوردستان و مێژووی کوردی تێدا ناسێندرابوو.

12524321_505977482914748_8573299472987466683_n

12552594_505977356248094_3153354315224762904_n

12565389_505977409581422_1270725511498975789_n

12647529_505977246248105_6621701989064438741_n

سه‌رنج و كۆمێنت

كۆمێنت

‎وه‌ڵام بده‌وه‌