وتەبێژی وەزارەتی خوێندنی باڵای عێراق: ئێران راست ناکا، داوای گشتگیربوونی زمانی فارسی لە عێراقمان نەکردووە

0
295

ڕۆژی کورد: ڕۆژی پێنج شەممە ٩ی بەفرانباری ١٣٩٥ی هەتاوی، هەواڵەریی فەرمی کۆماری ئیسلامیی ئێران باس لە داوای عێراقییەکان بۆ گشتگیربوونی خوێندن بە زمانی فارسی لە سەرانسەری عێراق دەکات بەڵام حەیدەر ئەلعەباسی ڕەتی دەکاتەوە و دەڵێ ویست و گەڵاڵەیەکی ئەوتۆ لەمبارەوە لە ئارادا نیە.

دوای ئەوەی کە هەواڵدەریی “ئیرنا”، بڵاوی کردەوە کە عەبدوڕەزاق ئەلعیسا، وەزیری خوێندنی باڵا و توێژینەوەی عێراق، لە چاوپێکەوتن لەگەڵ مەلا غولامڕەزا ئەبازەری، داوای گشتیگیربوونی بەڕێوەچوونی خولی زمانی فارسی لەسەرجەم عێراق و قەتیس نەهێشتنەوەی لە بەغدای کردووە، داوای کردووە لە سەرجەم شوێن و شارەکانی عێراق، خولی زمانی فارسی بەرێوەبچن، وتەبێژی وەزارەتی خوێندنی باڵای عێراق، ڕەتی کردەوە باسێکی ئەوتۆ لەئارادا بێ.

حەیدەر ئەلعەبودی، لە دیمانەیەک لەگەڵ ماڵپەڕی ئەلسومریەنیوز وێڕای رەتکردنەوەی ئەو بانگەشەیە، گوتی: “وەزارەتی خوێندنی باڵا، هیچ گەڵاڵەیەکی بۆ خوێندن بە زمانی فارسی لە عێراقدا نیە”.

ئەلعەبوودی هەروەها گوتیشی: “نە وەزیر و نە وەزارەتخانە، هیچ ئاراستیەیەکی لەو بارەوە نیە و لەسەر بابەتی وەک زمان، بەپێی چوارچێوەگەلێک کە لە لایەن بنکە زانکۆییەکانەوە دەدرێت، هەڵسووکەوت دەکەین.”

وتەبێژی وەزارەتی خوێندنی باڵای عێراق هەروەها گوتیشی: “زمانی فارسی وهەموو زمانە بیانییەکان، تەنیا لە کۆلێژەکانی زمان لە زانکۆکان دەخوێندرێن”.

خولی خوێندنی زمانی فارسی و دانانی ئەو خولانە لەلایەن کۆنسوولگەریی ئێران لە هەرێمی کوردستانی باشوور و هاوکاریکردنی چەند حیزبێکی هەرێم لەمبارەوە، جێگای ناڕەزایەتیی بەشێکی بەرچاو لە سیاسییە کوردەکانە و پێیان وایە کونسولگەریی ئێران کە بنکەیەکی سیخوڕیی ئێرانە لە هەرێم، ئامانجدار ئەو خولانە بەڕێوە دەبات و لە ژێرەوە ئامانجی تری سیخوڕی و دژ بە کوردستان دەپێکێ.

 

سه‌رنج و كۆمێنت

كۆمێنت