هەڵوەدا بوونی ٢٠٠ هەزار کورد لە باشووری ڕۆژهەلاتی تورکیە

0
217

بە هۆی ئەو شەڕ و ئاڵۆزیانەی کە لەو ماوەیدواییدا لە نێوان تورکیە و گریلاکانی پ ک ک دا هاتۆتە ئاراوە، ئەژمارێکی زۆر لە کوردەکان هەڵوادە و پەڕیوە بوون کە لە ماوەی بیست ساڵی ڕابروودە کەم وێنەیە.

هاوینی ڕابردوو ئاگربەستی پ ک ک لەگەڵ دەوڵەتی تورک کە لە ساڵی ٢٠١٢ ڕاگەیێندرابوو کۆتایی پێهات و شکا و لەو کاتەوە تا ئێستا چەند شەڕ وپێکدادان لە نێوان گریلاکانی پارتی کرێکارانی کوردستان و سەربازانی تورک هاتۆتە ئاراوەو ئەوە ئاڵۆزییانە بۆتە هۆکاری ڕاگەیاندنی حکومەت نیزامی لە لایەن دەوڵەتی تورکیاوە و بەو هۆیەشەوە تا ئێستا بە پێی بەراوردەکان، نزیک بە دووسەد هەزار کوردی ئەو ناوچانە لە شوێنی ژیانی خۆیان کۆچیان کردووە و پەڕیوەی شارەکانی تری تورکیا  و باکووری کوردستان بوون.

ژنێکی خۆجێی ئەو ناوچانە بە ناوی دەریا. ت، لە وتو وێژ لەگەڵ ڕۆژنامەی تودەی زەمان، گوتی: لە ١٦ی ئاگۆستەوە تا ئێستا، پێنج جار حکومەت نیزامی لە ناوچەی نسیبێنی پارێزگای ماردین، ڕاگەیێندراوە و هەر بۆیەش دوا بەدوای لاچوونی یاساکانی قەدەغەکردنی هاتووچۆ، هەلیان قواستۆتەوە و ماڵەکانی خۆیان بەرەو ناوچەی ئولدورەی پارێزگای شرناخ، بەجێ هێشتووە.

شیاوی ئاماژەیە کە هێڕشەکانی تورکیا بۆسەر گریلاکانی پارتی کرێکارانی کوردستان ،لە ٢٤ی جولایەوە و بە هۆی کوژرانی دوو پۆلیسی تورک لە لایەن پارتی کرێکارانەوە، بەردەوامە و دەوڵەتی تورک لە ئاناتۆلی و باکووری عێراق، دەیانکاتە ئامانجی هێڕشەکانی خۆی.

ئامارەکان باس لە کۆی گشتی کوژرانی ٢٠٠ کەس لە گریلاکانی پ ک ک و سەربازانی تورک لەو ماوەیەدا دەکەن.

سه‌رنج و كۆمێنت

كۆمێنت