هەواڵەکان باس لە داواکاری فەڕانسە بۆ ئابلۆقەی نوێ لەسەر ئێران دەکەن

0
156

سەفەری حەسەن ڕوحانی سەرۆک کۆماری ئێران بۆ وڵاتی فەڕانسە، ڕێ پێوان و کۆبوونەوەی ناڕەزایەتی چالاکانی سیاسی و حیزبە و ئۆپۆزیسیۆنی کورد و ئێرانی لە پاریس لێکەوتەوە. کە ناوەندی ڕۆژی کوردیش یەکێک لە طێکخەرانی ئەو ڕێپێوانە ناڕەزایەتییەیە بە دژی سەفەری ڕوحانی بۆ فەڕانسە.

ناڕازییەکان ڕوو لە دەوڵەتی فەڕانسە داوادەکەن کە وڵاتێکی وەک فەڕانسە کە لانکەی دێموکراسییە نابێ بە هۆکاری بەرژەوەندی بازرگانی، مافی مرۆڤ قوربانی بکات.

هاوکات لەگەڵ ئەو سەفەرەی ڕوحانی بۆ فەڕانسە و پێشتریش بۆ ئیتالیا کە دوابەدوای لاچوونی گەمارۆ ئابوورییەکان دەکرێت، هەواڵدەری ئاسۆشێتدپرێس، بڵاوی کردەوە کە فەڕانسە داوای لە یەکگرتووی ئەوروپا کردووە کە بە هۆی تاقیکردنەوەی موشەکی لەم دواییانەدا، ئابلۆقەی ئابووری نوێ بەسەر ئێران داسەپێنن.

ڕۆژی چوارشەممە ٧ی ڕێبەندان، هەواڵدەری ئاسۆشێتدپرێس لە زمانی دوو بەرپرسی یەکگرتووی ئەوروپاوە بڵاوی کردۆتەوە و دەڵێ کە فەڕانسە  لەسەر ئێران لە دانیشتنی حەوتووی ڕابردووی وەزیرانی دەرەوەی ٢٨ وڵاتی یەکگرتووی ئوروپا لە برۆکسێل، داوای ئابلۆقی نوێی لەسەر ئێران کردووە.

هەر بە پێی لێدوانی ئەو دوو بەرپرسەی یەکگرتووی ئوروپا، ئەندامانی ئەو یەکگرتوویە لە ئێستادا سەرقاڵی لێکدانەوەی ئەو گەڵاڵەی فەڕانسەن بەڵام زۆربەی ئەندامانی یەکگرتووی ئەوروپا لەو بڕوایە دان کە ئەو گەڵاڵەیە و گەڵاڵەی هاوشێوە دەبێتە هۆکاری ناکاریگەربوونی نێوان شەش وڵاتی زل هێز و ئێران و ئەو هەوڵانەی کە بۆ زیندوو کردنەوەی پەیوەندییە سیاسی و بازرگانیانەی کە لەگەڵ تاران هاتوونەتە ئاراوە.

شایانی باسە کە بەرپرسێکی فەڕانسەوی کە نەیوسیتووە ناوی ئاشکرا بێ لە لێدوانێکدا بۆ ڕۆیتێرز، ئەو هەواڵەی وەدرۆ خستۆتەوە.

سه‌رنج و كۆمێنت

كۆمێنت