فڕۆکەیەکی ئێرانی لە جۆری F7 کەوتە خوارەوە

0
170
بەپێی ڕاپۆڕتی هەواڵدەرییە نێوخۆییەکانی سەربە ڕێژیم، ئەم فڕۆکەیە لە جۆری F7 و بەرهەمهێنراوی ئامریکا بووە.

ڕۆژی کورد: بەپێی هەواڵی بڵاوبۆوە لە هەواڵدەرییەکانی سەر بە ڕژیم، ئەم فڕۆکە شەڕکەرە F7ە، سەرلەبەیانیی ڕۆژی چوار‏شەممە، ٨ی بانەمەڕ لە پایەگای هەشتەمی ڕاوکردنیی هێزی هەوایی ئەرتەش لە ئیسفەهان، فڕینی خۆی بە مەبەستی ڕاهێنانی  دەست پێ کردووە و پاش ماوەیەکی کورت، بەهۆی کەموکووڕیی تەکنیکییەوە، تووشی کێشە بووە و کەوتۆتە خوارەوە، بەڵام هەردووک فڕۆکەوانەکەی، بە پەڕەشووت خۆیان ڕزگار کردووە.

لە ڕاپۆرتی هەواڵدەریی فارس ـی سەر بە سپای تێرۆریستی پاسدارانی کۆماری ئیسلامیدا هاتووە؛ ئەم فڕۆکە شەڕکەرە بە ٢ سەرنشینەوە کاتژمێر ٩ و ١٥ خولەکی سەرلەبەیانیی ڕۆژی چوارشەممە لە فڕۆکەخانەی “شەهید بابایی”  هەستاوە و کاتژمێر ٩ و ٥٨ خولەک لە شاخەکانی “نائین”(واتا لە ٤٠ کیلۆمیتریی شاری نائین) کەوتۆتە خوارەوە.

ئەم ڕاپۆرتە ئەوەشی زیاد کردووە کە ئەم فڕۆکە شەڕکەرە بەرەو گۆڕەپانی “تیر ئەنارەک” هەستاوەتەوە و دەشڵێت کە بەهۆی چۆڵەوار بوونی شوێنی کەوتنەخوارەوەی فڕۆکەکە، ئەم ڕووداوە هێچ خەسارێکی گیانی بەدواوە نەبووە.

 222 1111 14581 111111

سه‌رنج و كۆمێنت

كۆمێنت

‎وه‌ڵام بده‌وه‌