سوید: لە شەڕو تێکهه‌ڵچوونێکدا له‌ نێو پەنابەران كەسێك كوژرا‌و سێ که‌سی دیکەش‌ برینداربوو

0
145

پۆلیسی سوید رایگەیاند، كەسێكی دەست بەسەركردوە کە گومان دەكرێت دەستی هەبێت لە كوشتنی كەسێك‌و برینداركردنی سێ كەسی تر لەشەڕێكدا كە لەنێوان پەنابەراندا رویداوە.

كریستەر نوردستروم وتەبێژی پۆلیسی شاری سودرهامن وتی: بە تۆمەتی كوشتن‌و هەوڵدان بۆ كوشتن، پۆلیس كەسێكی دەستگیر كردوە كە تەمەنی 20 ساڵه‌.

ئاماژەی بەوەشكرد، جۆری ئەو چەكەی كە لە هێرشەكەدا بەكارهاتوە ئاشكرا نەبوە، بەڵام ئەو كەسەی كە كوژراوە ئاسەواری چەقۆ بەجەستەیەوە دیارە.

بەپێی هەواڵێك كە ئاژانسی ئەسیۆشەیتدپرێس بڵاویكردوەتەوە، 15 كەس بەشدارییان لەو شەڕەدا كردوە كە رۆژی شەممە لەدەرەوەی ناوەندی پەنابەران لە سودرهامن رویداوە كە دەكەوێتە دوری 240 كیلۆمەتر لە باكوری شاری ستۆكهۆلمی پایتەخت.

ئاماره‌کانی بنهکه‌کانی پۆلیسی سوید باس لەوە دەكەن که‌، روداوەكانی توندوتیژی‌و هێرشكردن لە ناوەندەكانی پەنابەراندا زیادی كردوە.

ساڵی رابردو سوید پێشوازی لە (163 هەزار) پەنابەر كردوە، كە ئەمەش بەرزترین رێژەیە لەسەر ئاستی وڵاتانی ئەوروپا بەبەراورد بە ژمارەی دانیشتوانەكانیان.

سه‌رنج و كۆمێنت

كۆمێنت

‎وه‌ڵام بده‌وه‌