راگەێاندراوێک له‌ لایان “ کومه‌ڵگاێ باوه‌ڕی یارسانیه‌کان ئوروپا “

0
329

ڕۆژی كورد: کومه‌ڵگاێ باوه‌ڕی یارسانیه‌کان ئوروپا لەسەر بنەماێ دەفا لە ماف یارسانیەکان راگەێاندراوێک  ده‌ركرد:

هاووڵاتیەل رەزا شیرین، یارسانیەکان وەڕێز، کۆر کۆمەڵە دیموکرات و ئازادیخوازەکان!

وەئاگاداری گشت لاێکتان رەسنیمن کە لەسەر بنەماێ دەفا لە ماف یارسانیەکان، ئەڕا رەسین وە حەق و حقوق مەدەنی، ئنسانی، ئایینی، فەرهەنگیان، لە ریکەفت ١٤-٠١-٢٠١٧، گرد بینەوەێک گشتی یارسانیەکان دانیشتگ لە وڵاتەیل ئوروپایی لە ستوکهۆڵم پاتەخت وڵات سوئد، پێکهات.

سەرەتاێ گردبینەوە جور رەسم باو یارسانەکان، وە ژەندن تەمویرە لە لایان رێزدارگەل فڵامەرز ئەمیریان و سەی فەرەیدۆن حۆسەینیوە دەسوەپێ کرد. لەشون پەیام دەسەێ ئامادەکاری گردبونەوەکە، دیوان ئەڕا وەڕێوەبردن گردبینەوە هەڵوژێریان.

لە درێژەێ گردبیەوەێ گشتیی کە ئامانجەکەێ دامەزرانن ئێنجێئۆێک مەدەنی- فەرهەنگییە ئەڕا دەفا لە حەق و حقوق مەردم یارسان، پرۆژەێک کە پێشتر ئامادە کریاوی، وەگەرد دێکۆمەنتەکان ترەک ئەڕا چالاکی داهاتگ ئێنجێئۆکە، خریا وەر باس. لەشون مشتومڕ و ئاڵوگۆڕ بیروڕاکان، نویسیاگەکان لە لایان بەشداربیەیل گردبونەوەکە، پێشوازی لەلێ کریا و ئەرک ئاڵوگۆرکردن لە پرۆژەکە سپاریا کۆمیتەێ هەڵوژێریاگ داهاتگ. لە دمایین بەش گردبینەوەکە، دەسەێک لە دڵسۆزگەل یارسانی ئەڕا دریژەدان وەچالاکیەکان هەلوژێریان کە پیکهاتن لە یانزە کەس. وەیجورە گردبینەوە کە لە ساعەت یانزەێ وەرجە نیمەڕۆژ دەسوەپیکردوی، لە ساعەت شەش دویا نیمەڕۆژ و وەدەسکەفت پرنرخێکوە دمایی وەپێهات.

کومه‌ڵگاێ باوه‌ڕی یارسانیه‌کان ئروپا جور رێکخراوێک مەدەنی- فەرهەنگی، ئەرکێ هەوڵدانە ئەڕا ناسانن کۆمەڵگاێ یارسان و باوەڕ یاری، وە کۆمەڵگا ئورۆپاییەکان، پارلمان ئوروپا، رێکخراو حقوق بەشەر نەتەوە یەکگرگەکان و وەڕەسمی ناسین ئی باوەڕە لە لایان ریکخراو نەتەوە یەکگرگەکان، (سازمان ملل).

جاڕنامەێ جەهانی حقوق بەشر ئەڕا ئیمەێ یارسانی پیرۆزە و باوەڕ قویلێک وە پرۆسەێ دێموکراسی و مەردم سالاری دێریم. هەر لەێوا سکولاریسم جور بەشێک لە پرۆسەێ ئازادی بیروباوەڕ،جێ بنەڕەتی لە هویر و کردار ئیمەێە دێرێ.

ئیمە دەس هاوکاری و یارمەتی و پشتیوانی درێژ کەیم ئەڕا گشت تاکەکان ناو کۆمەلگا دیموکراسیەکان لە هەرکورە کە هەن و باوەڕ وە جاڕنامەێ ماف مرۆڤ نەتەوە یەکگردگەکان دێرن.

وەی ئومێدە کە هاوڵاتیەلمان وە هەر جیاوازی فەرهەنگی، ئایینی و ئایدولۆژیکوە کە دێرن، یار و پشتیوانمان بوون، ئەڕا پاراستن دەسکەفتەکان میژوویمان کە وەناڕەوا کەفتگەسە وەر هەڕەشەێ لەناوبردن.

وەگەرد رێزمان

کۆمیتەێ کومه‌ڵگاێ باوه‌ڕی یارسانیه‌کان ئروپا

١٧-٠١-٢٠١٧

سه‌رنج و كۆمێنت

كۆمێنت