دوو زیندانیی سیاسیی کورد پاش ٥ سال زیندانی، ئازاد کران

0
207

ڕۆژی کورد: دوو زیندانیی سیاسیی کوردی خەڵکی شاری مەریوان پاش تەواوبوونی ماوەی سزاکەیان لە زیندان ئازاد کران.

بەپێی هەواڵی گەیشتوو بە ڕۆژی کورد، کاوە فەرەجی و کاوە مورادی دوو چالاکی سیاسیی کوردی خەڵكی شاری مەریوان، پاش ٥ سال ڕاگیران لە زیندانەکانی ڕژیمی ئێراندا ئەمڕۆ چوارشەممە ٨ی بانەمەڕی ١٣٩٥ی هەتاوی، ئازاد بوون.

ئەو دووچالاکە سیاسییە کوردە ساڵی ١٣٩٠ لەلایەن هێزە ئیتلاعاتییەکانی ڕژیمی ئیسلامیی ئێرانەوە دەستبەسەر کران و ماوەی ٥ مانگ لە ژوورە تاکەکەسییەکانی وەزارەتی ئیلاعاتدا لەژێر لێکۆڵینەوە و ئەشکەنجەدا بوون.

سەرەنجام لەلایەن دادگای ئینقلابی مەریوانەوە لەکۆتایی مانگی خەرمانانی ساڵی ٩١دا و پاش زیاتر لە ١ ساڵ و نیو دەستبەسەری،  حوکمی قورسی زیندانی کرانیان بە سەردا سەپا.

کاوە فەرەجی و کاوە مورادی لە لایەن دادگای ئینقلابی شاری مەریوانەوە بە تاوانی هاوکاری کردن لە گەڵ یەکێک لە حیزبە کوردییەکانی دژبەری ڕژیمی ئیسلامیی ئێران بە ڕیز ٨ ساڵ و ١٠ ساڵ زیندانیان بۆ برایەوە.

دەگوترێ ئەو دوو چالاکە کوردە بە کەڵک وەرگرتن لە ماددەی ١٣٨ی شێوەنامەی بەڕێوەبەریی ڕێکخراوی زیندانەکان و کردەوە ئەمنیەتییەکان، پاش ٥ ساڵ دەستبەسەری و ئەشکەنجە، لە زیندان ئازاد کراون.

سه‌رنج و كۆمێنت

كۆمێنت

‎وه‌ڵام بده‌وه‌