حەشدی شەعبی دەڵێ گیانی ١١ گریلای هێزەکانی سووریەی دێموکراتیکی ڕزگار کردووە

0
50

حەشدی شەعبی کە گرووپێکی میلیشیایی ئێراقیی سەر بە ئێرانە، ڕایگەیاند کە کەسانێک لە هاوپەیمانانی ئامریکای لە سووریە لەدەست داعش ڕزگار کردووە.

ڕۆژی کورد: فەرماندەیی دووهەمی گرووپی (لیوای ئەلتەفووف) کە بەشێکە لە گرووپی میلیشیایی حەشدی شەعبی، ڕایگەیاند، هێزەکانی ژێرفەرمانی, توانیویانە بە هاوکاریی گاردی سنوورپارێزیی ئێراق، ۱۱کەس لە هێزەکانی سوریەی دیموکراتیک لە گەمارۆی داعش ڕزگار بکەن.

گرووپی (لیوای ئەلتەفووف) هەروەها لە ڕاگەیەندراوێکدا ڕایگەیاند، توانییویانە ڕۆژی یەکشەممە 11ی فێوریە بەرانبەر بە ٢٢ی ڕێبەندانی ١٣٩٦ی هەتاوی، لە ڕۆژاوای شاری ئەنبار یازدە کەس لە گریلاکانی هێزەکانی سوریەی دیموکڕاتیک کە لەدەست داعش هەڵاتبوون لە ناوچەیەکی سنووریی نێوان دوو وڵاتدا کە گەمارۆ درابوون ڕزگار بکەن.

ئەحمەد نەسرووڵا، کە لەگەڵ هەواڵدەریی فەرانسە قسەی دەکرد لەوڵامی پرسیارێکدا لەمەڕ هۆکارییارمەتیدانی حەشدی شەعبی کە پاڵپشتی ئێرانی لەگەڵ بۆ ئەو هێزەی کە ئامریکا یارمەتیان دەدات گوتی: “داعش دوژمنی هەمووانە. ئێمە دوژمنێکی هاوبەشمان هەیە و دەتوانین بڵێین دوژمنی دوژمنەکەم، دۆستی منە.”

نەسرووڵا لەدرێژەی قسەکانیدا گوتی: “هێزەکانی سووریەی دیموکڕاتیک، ماوەی دوازدە کاتژمێر لەمبەری سنوور لەگەڵ ئێمەدا مانەوە و دواتر دەربازی ئەو دیوی سنوور بوونەوە و چوونەوە شوێنەکانی خۆیان.

هێزەکانی دیموکڕاتیکی سووریە کە لەلایەن ئامریکاوە پاڵپشتی دەکرێن و چەک وچۆڵیان بۆ دابین دەکرێ، پێکهاتەیەک لە زۆرینە کورد و هێندێک عەرەبی دژبەری دەوڵەتی سووریە، ئاشووری، ئەرمەنی و تورکمانە، کە پێشتر توانیبوویان داعش لە باکووریی ڕۆژهەڵاتی سووریە، بەتایبەت لە ڕەقە و بەشێکی زۆری پارێزگایی دێرەزوور تێکبشکێنن.

سه‌رنج و كۆمێنت

كۆمێنت

‎وه‌ڵام بده‌وه‌