تاک ” بەرپرسیارەتیی تەقینەوەکەی ئانکارای گرتە ئەستۆ”

0
170

رۆژی کورد: گروپی “هەڵۆکانی ئازادیی کوردستان” بە بڵاوکردنەوەی بەیاننامەیەک بەرپرسیاەرەتیی خۆی لە تەقینەوەکەی ئانکارا لە رۆژی یەکشەممەی رێکەوتی ١٣ی مارسدا، راگەیاند.

لەو بەیاننامەیەدا هاتووە کە تەقینەوەکە بە فەرماندەیی ژنێک بەناوی سەحەر چاگلا دمیر، تەمەن ٢٤ ساڵ و بە بەشداریی تیمێک لە “هەڵۆکانی ئازادیی کوردستان” ئەنجام دراوە.

ئەو رەوتە ئاماژەی بەوەش کردووە، “ئەو کردەوە خۆ فیدا کردنە”، بە مەبەستی مەحکووم کردنی زیندانی کرانی “عەبدووڵا ئۆجەلان”  و کوشتاری خەڵکی جزیرە بووە.

لە تەقینەوەی سێ رۆژ پێش ئێستای ئانکارادا، ٣٧ کەسی سڤیل کوژران و هەروەها مانگی رابرووش لە تەقینەوەیەکی هاوشێوەدا ٢٩ کەسی نیزامیی گیانیان لەدەست دا، کە ئەو گرووپە بەرپرسیارەتیی خۆی لەو تەقینەوەیەش راگەیاندبوو.

دەوڵەتی تورکیا بەرپرسایەرەتیی ئەو تەقینەوەیەی خستۆتە ئەستۆی پارتی کرێکارانی کوردستان و رایگەیاندووە کە ١١ کەسی لە پەیوەندیی لەگەڵ تەقینەوەکەی چەند رۆژ پێشی ئانکارادا دەستبەسەر کردووە.

“هەڵۆکانی ئازادیی کوردستان” خۆی بە رەوتێکی ئینشعابی لە پەکەکە راگەیاندووەو کردەوە خۆکوژییەکانی بە تۆڵەکردنەوە لە دەوڵەتی تورکیا لە قەڵەم داوە.

پێشتر جەمیل باییک رایگەیاندبوو، کە لە مانگی مارسەوە هێرشەکانمان بۆ سەر دامەدەزگاکانی دەوڵەتی تورکیا بەرفراوان دەکەین.

سه‌رنج و كۆمێنت

كۆمێنت

‎وه‌ڵام بده‌وه‌