بە هاوکاری ئەنستیتۆی کورد و بە بەشداری دیاسپۆرای کوردی لە پاریس کۆمیتەیەک بۆ پشتیوانی لە عەفرین دامەزرا

0
109

ڕۆژی کورد :
بە دەسپپێشخەری و ئالیکاری ئەنستیتۆی کورد لە پاریس و بە وتارێکی ڕێزدار دوکتۆر کەنداڵ نزان سەرۆکی ئەو ئەنستیتۆ، کۆمیتەیەک بۆ کاروبار و پشتیوانی کوردانی دانیشتووی باژێڕی عەفرین لە ڕۆژئاوای کوردستان دامەزرا و دەستی بە چالاکی کرد.

ڕۆژی یەکشەممە ڕێکەوتی ٢٩ی ئەیلوول بە بەشداری کۆمەڵێکی بەرچاو لە کوردانی هەر چوار پارچەی کوردستان دانیشتووی وڵاتی فەرانسە و بە هاوکاری ئەنستیتۆی کورد لە پاریس، کۆمیتەیەک بۆ پشتیوانی و یارمەتی لە هەموو بوارەکانی : دیپلۆماسی، دەوا و دەرمان، مافی مرۆڤ و یارمەتییە مرۆڤایەتییەکان بۆ عەفرین لە ڕۆژئاوای کوردستان دامەزراند. سەرەتای کۆبوونەوەکە بە وتارێکی دوکتۆر کەنداڵ نزان بەرپرسی ڕێکخراوەکە دەستی پێکرد و دامەزرانی کۆمیتەیەک بۆ پشتیوانی کوردانی دانیشتووی عەفرین ڕاگەیەندرا.
دواتر هەر یەک لە بەڕێزان “زەینێ جەمۆ” خانمە سیاسەتوانی ناسراوی کورد و “محەمەد عەلی” نوێنەری پارتی “حەق پار” لە وتاری خۆیان بۆ کۆبوونەوەکە، پشتیوانیان کرد و کرانەوەی ئەو کومیتە لە لایەن بەشدار بووانەوە هاتە پەسەند کران.
جێگای ئاماژەیە هاوڕێی ڕێزدار “ئەردەڵان عەبدوڵایی” ئەندامی دەستەی ڕێبەرایەتی ناوەندی “ڕۆژی کورد” وەکوو بەشدار لە کۆبوونەوەکە بانگهێشت کرابوو ئامادەی کۆبوونەوەکە بوو هاوکات وتاری خۆی بۆ دامەزران و پشتیوانی لە کومیتەی ناوبراو پێشکەشی بەشدار بووان کرد.
کۆبوونەوەکە بە دیاری کردنی ٩ ئەندامی سەرەکی بۆ بەڕێوەبردنی کار و چالاکییەکانی ئەو کومیتە و ڕاپەڕاندنی ئیش و کارەکانی کومیتەی ناوبراو بە سەرکەوتوویی کۆتایی پێهات.

سه‌رنج و كۆمێنت

كۆمێنت

‎وه‌ڵام بده‌وه‌