ئەوەی حوشتر بەخێو کا دەبێ دەرگای ماڵیشی بەرز بێ

0
172

نووسەر: حەمە جاف

حەمە جاف
حەمە جاف

به‌ دوای تەقاندنەوەی بۆریە نەوتیەکانی تورکیا لەلایەن پارتی کرێکارانی کوردستان “پەکەکە” و سەر نەگرتنی پرۆسەی ئاشتی لەلایەن دەوڵەتی تورکیە و پەکەکەوە،  پرۆسەی ئاشتی چیدی وڵامدەری گرژی و ئاڵۆزیەکانی نێوان ئەو دوو لایەنە نەبوو، بۆیە تورکیاش دەستی دایە هەندێ کاری قێزەوەن وەکوو  بۆمباباران كردنی بنكه‌و باره‌گاكانی پێ كاكا له‌ ناوچه‌ی قه‌ندیل له‌ لایه‌ن تۆپ و  فرۆكه‌ بۆمب هاوێژەکانیەوە  و تێیدا ژماره‌یه‌ك خه‌لكی سویلیش شه‌هیدو بریندار بوون .

 گرژی و شه‌ڕ و وپێكدادانی پێ كاكا و توركیا گه‌یشته‌ چڵه‌ پۆپهی خۆی‌، شه‌ڕخوازیی و سیاسه‌تی ده‌ستدرێژكه‌رانه‌ی ده‌وڵه‌تی توركیه‌ له‌وه‌ ئاشكراتره‌ كه‌ به‌ نیاز و مه‌به‌سته‌كانی نه‌زانرێ و لێی تێنه‌گه‌ین… بەڵام دەبێ ئەوەشمان بیر نەچێ ئەگەر  (بەردێک لە شاهۆ گل بێتە خوارەوە دەستی پەکەکەــ ی تێدایە)، پەکەکە ده‌مێكه‌ سیناریۆكانی ده‌ستپێكردنه‌وه‌ی شەڕی دەوڵەتی تورکیای  له‌گه‌ڵ باكووری كوردستان داڕشتوه.

یەکێک لەسەرەکیترین  هۆکارگەلی هەڵگیرسانی ئەم شەڕە و ئەوەی کە بۆ تا ئەم ماوەیە ڕووی نەدا و ئێستا دووبارە گڕی قووەتی تێ هاڵڵاندووە، دەگەڕێتەوە سەر دەرکەوتنی سیمای ڕاستەقینەی پەکەکە بۆ هەموو کۆمەڵانی خەڵکی کوردستان کە بووەتە جێگای سرنج و تێڕوانێن و تێڕامان، ئەوەیە کە بۆ پەکەکە لە کاتی لە دایک بوونیەوە لە باکوور تا ئێستا نەیتوانیوە بەو شێوەیە کە پێویستە باس لە زێدگا و شوناسی ڕاستەقینەی خۆی واتا “باکوور بکا، “بەڵام دەتوانێ  دەست تێوەردان لە پارچەکانی دیکەی کوردستان بکا و هەر چەشنە بەرنامە و پلانی ئستراتیژی کورت خایەن و درێژخایەن دابڕێژێ و تا ڕادەیەکیش خۆی بە خاوەندارێتی و میراتگری چەندین ساڵەی پارچەکانی دیکەی کوردستان بزانێ،” له‌ ڕاستی دا دەتوانین بڵێین  بهڕێوه‌ بردنی ئه‌م سیناریۆیه‌ش به‌ دانی چرای سه‌وزی ئێران، پیاده‌ ده‌كرێ و بەداخەوە هێزێکی گەورەی کوردی کە لەهەموو بوارێکی لۆجستیکی و ماددیەوە لە ئێستادا بووە بە دارەدەست و قاچڕامووسی وڵاتێکی دایگەرکەر و دژی هەر چەشنە بیر و بۆچوونێکی نەتەوەیی کورد و خۆشی لە هەمووان بە خاوەن ماڵتر دەزانێ، تا ڕادەیەک کە مێژووی کوردی هەموو بەخیانەت و گەندەڵ پێناسە بکا!.

 مێژووی کوردی ڕاستەقینە و پاک   لە کاتێکەوە ڕاست و ڕوونە وەکوو ئاوی کانیاوەکان کە ئەو کات خۆی لەدایک بووە، سروودی نەتەوایەتی بە هیچ شێوەیەک قوبووڵ ناکا، ئاڵای کوردستانی پێ “جوان” نیە تا ئاڵای پارچەکەی دیکەی کوردستانی ون بووی تازە پەیدابووی مالی و نێجیریا نەبێ، ناوی پیرۆزی پێشمەرگەی پێ باش نیە لەبەر ئەوەی ناوێکی باش نیەو پێی”سوکەڵەیە”، لەکاتێکەوە پەکەکە لە تورکیا سەری هەڵداوە (33ساڵ) تا هەنووکە باس لە دەوڵەتی کوردی و یەکپارچەی کوردستانی گەورە و سەربەخۆیی دەکا کەچی هیچ ڕۆڵێکی ئەرێنی چووکەی لەسەر باکووری کوردستان نەبووە، وکوو ئەوە وابێ باکووری کوردستان سەر بە دایکێکی دیکەیە و لەگەڵ پارچەکانی دیکەی کوردستان دایک جیازەیە!. بەڵام هەرکات بچووک ترین یان هەرشتێک سەبارەت بە پرسی کورد لەپارچەکانی دیکەی کوردسان هاتبێتە ئاراوە هەمووکات یەکێک بووە لەو حیزب و لایەنە غەمخۆرانەی کە هەمیشە بەر لە میراتگرانیش لەسینگی داوە و خۆی لەهەمووان خاوەن ماڵتر زانیوە !

 ئێستاش دەبینین لە زێدگای چەندین ساڵەی خۆی و لە  یادگارەکەی شێخ ڕەزای دەرسیم و شڕناخ و جزیر …. دەوڵەتی تورک خەریکە تۆرەمەی کورد دەپەلەقاژێنێ، جەنابی لە قامیشلوو بە شوێن سارووخی دژە فڕۆکە و لە شنگاڵ بەشوێن کانتۆن و لەهەورامان  یەکەم بەری چای بەڵاڵووکی زستانە نۆش دەکا و دەحەسێتەوە،!

ئەم بەزم و بەساتەی  پ ک ک دەستی پێکردووە دەبێ تا کەنگێ بەردەوام بێ؟ تاکەنگێ دەبێ کورد و پارچەکانی  کوردستان بکا بە قەڵغان و سیاسەتی چەوتی بێ بنەمای خۆی؟  هەرکات باس لە گەورەترین و بەئەزموون ترین هێز لە کوردستان دەکرێ پەکەکە یەکەم هێزە، هەرکات باس لە زەربەی گورچووبڕ دەکرێ، ئەوا پەکەکە بووە، هەرکات باس لە بەرخۆدان و شۆڕشی ڕاستەقینە دەکرێ، پەککە بەرلە هەموو هێزێ وەکوو دێوی دەری کوونە ئامادەیە و تەقەی تفەنگی دێ، هەرکات باس لە بێگەردی و گیان فیدای پێشمەرگە و گەریلا دەکرێ هەمیشە هەر گەریلا بووە سینگی خۆی کردۆتە قەڵغانی تۆپ و خومپارە و ئێستاش ئەوەی بە چاوی خۆمان دەیبینین سوڵتان سولێمانی سەردەم دوبارە کورەی ئاگری ڕوو لە خامۆشی دەچێ و بە ئێسکی کوردا

وەگڕی دەخاتەوە، کەچی پەکەکە لەبەرامبەریدا وەکوو داهۆڵی دەستی جووتیاران مات و بێدەنگە و تائێستا هیچ چەشنە دژکردەوەیەکی نەبووە (بەڵام دەتوانێ سنور لە حیزبەکانی رۆژهەڵات بگرێ و حەفتا حەفتا جامانەسوور خەڵتانی خوێن بکا). پ ک ک، بۆ ده‌رباز بوون له‌م چاڵە زەبەلاحەی کە بۆ خۆی کەندووە ‌ ناچاره‌ پێداگری له‌ سه‌ر هەستی نه‌تەوایەتی خۆی له‌ چوارچێوه‌ی هاریكاری هه‌موو هێزو لایه‌نه‌كانی سه‌ر گۆره‌پانی سیاسی كوردستان له‌ هه‌ر چوار پارچه‌ دا بكات و به‌ یه‌كگرتوویی به‌رامبه‌ر به‌م ئالۆزییه‌ داواکار و خوازیاری هاوکاری بێ و ڕۆژێک تەوبە بکات و بێتە سەر ڕێگای ڕاست و ئەگەر بەو جۆرەش بەرەوپێش بچێ و سیاسەتەکانی بەرامبەر بە گەلی کورد ڕاست و درووست نەکا،ناوی دەچێتە ئەرشیڤی مێژوویەکی درۆزنەوە نەک کوردبوون بەڵکوو مرۆڤایەتیش بێزی لێ بکا

سه‌رنج و كۆمێنت

كۆمێنت

وەڵامێک بنووسە