نوێ ده‌كرێته‌وه‌ ، سووكایه‌تی ئیرنا به‌ جلوبه‌رگی كوردی له‌ لایه‌ن كوردستانیانه‌وه‌ شه‌رمه‌زار كرا

0
349

پاش ئه‌وه‌ی مه‌سعوود بارزانی ، سه‌رۆكی هه‌رێمی كوردستانی باشوور سه‌ردانی وڵاتی توركیه‌ی كرد و له‌ لایه‌ن ده‌سه‌ڵاتدارانی ئه‌و وڵاته‌وه‌ به‌ گه‌رمی پێشوازیی لێكرا ، به‌شێكی به‌رچاو له‌ سایت و بڵاوكراوه‌كانی كۆماری ئیسلامیی ئێران ده‌ستیان به‌ بێڕێزی كردن به‌ كه‌سایه‌تیی بارزانی و ته‌نانه‌ت جلوبه‌رگی كوردی كرد ، له‌و نێوه‌ دا هه‌واڵده‌ریی ڕه‌سمیی كۆماری ئیسلامیی ئێران (( ئیرنا ))  خۆی له‌ ناو هێنانی  مه‌سعوود بارزانی  وه‌ك سه‌رۆكی هه‌رێمی كوردستانی باشوور بواردووه‌ و نووسیویه‌تی :(( مرد شلوار كردی پوش شمال عراق )) ناو هێناوه‌ ، ئه‌وه‌ش بوو به‌ هۆی ئه‌وه‌ی به‌ تایبه‌تی كوردانی كوردستانی ڕۆژهه‌ڵات هه‌ڵوێستی جیددی و به‌ جێ بگرن و دژی ئه‌م سووكایه‌تییه‌ به‌ جلوبه‌رگی كوردی بوه‌ستنه‌وه‌  ، چالاكانی كورد له‌ تۆڕی كۆمه‌ڵایه‌تیی فه‌یسبووك لاپه‌ڕه‌یه‌كیان له‌ ژێر ناوی من هم شلوار کردی می پوشم  واته‌ منیش شه‌ڵواری كوردی له‌ به‌ر ده‌كه‌م كردۆته‌وه‌ و كه‌مپه‌ینێكی گه‌وره‌یان وه‌ڕێخستووه‌ و به‌ سه‌دان كه‌س له‌ كوردستانیان به‌ له‌به‌ر كردنی جلوبه‌رگی كوردی و بڵاو كردنه‌وه‌ی له‌ تۆڕه‌ كۆمه‌ڵایه‌تیه‌كان ئه‌و كاره‌ی هه‌واڵده‌ریی ئیرنایان مه‌حكووم و شه‌رمه‌زار كردووه‌ .

ڕۆژی كورد 2015-12-1600:51


سکرتێری گشتی کۆمەلەی زەحمەکێشان کوردستانی ئێران بەرێز کاک عەبدوڵا موهتدی پشتگیری خۆی بە ناردنی وێنەیەکی ئیمزاکراوی خۆی بۆ ئەم هەڵمەتە ڕاگەیاند.

من هم می پوشم

I also wear kurdish pants irna

ڕۆژی كورد 2015-12-1600:42


سکرتێری گشتیی حیزبی دێموکراتی کوردستانی ئێران بەڕێز کاک مستەفا هیجری، بە ناردنی وێنەیەکی ئیمزاکراو، پشتگیری خۆی بۆ ئەم هەڵمەتە ڕاگەیاند.

ڕۆژی كورد 2015-12-1600:39

تایبەت بە بابەتی بێرێزی “ایرنا” بە گەلی کورد
_______________________________
محەممەد ساڵح قادری: بە قەناعەتی ئێمە ئەو سیاسەتەی کۆماری ئیسلامی نەتەنیا ناتوانێ بەرژەوەندی کۆماری ئیسلامی بپارێزێ،بەڵکوو دەبێتە هۆی هەستیار بوونی گەلی کورد لە هەموو بەشەکانی کوردستان و هەتا دوێنێ کە ئەگەر گەلێک لایەن بەهەر مەسڵەحەتێک و بە جۆرێک کۆماری ئیسلامی-یان وەکوو دۆستی گەلی کورد پێناسە دەکرد و وایان دەخواست کە پێوەندی کۆماری ئیسلامی لەگەڵ باشوور بەشێوەیەکی دۆستانە بێ، نەها دەبینین کە کۆماری ئیسلامی بە توندی خەنجەری خۆی دەوەشێنێ و دەست تێوەردان دەکات

ڕۆژی كورد 2015-12-1600:36

بۆ بینینی وێنه‌ی سه‌رجه‌م پشتیوانانی كه‌مپه‌ینی من هم شلوار كوردی میپوشم لێره‌ كرته‌ بكه‌

ڕۆژی كورد 2015-12-1600:32

بەڕێز کاک “بابە شێخ حوسەینی” سکرتێری، سازمانی خەبات بە ناردنی وێنەی واژۆکراوی خۆیان، پشتگیری خۆیان بۆ ئەو هەڵمەت ڕاگەیاند.

ڕۆژی كورد 2015-12-1301:06

من هم شلوار کردی می پوشم        لاپه‌ڕه‌ی فه‌یسبووكی كه‌مپه‌ینی هه‌ڵوێست  گرتن له‌ به‌رانبه‌ر بێڕێزیی هه‌واڵده‌ریی ڕژیمی ئیسلامیی ئێران ئیرنا ، ایرنا

سه‌رنج و كۆمێنت

كۆمێنت