ئه‌مریكا: رووبه‌ڕووی ئێران و هێزه‌ ده‌ستكرده‌كانی ده‌بینه‌وه‌

0
780

ڕۆژی کورد: گرژییە کردەییەکانی نێوان ئێران و ئەمریکا پێی ناوەتە قۆناغێکی نوێ و تا دێت بەرەو ئاڵۆزتر بوون دەچێ.

لە ماوەی چەند ڕۆژی ڕابردوودا، کەشتیەکی سپای پاسداران لە تەنگەی هورموز، ڕووبەڕووی ناوێکی ئەمریکایی بۆتەوە و لە ئەنجامدا، ناوی ئەمریکایی ناچار بووە ڕێگای خۆی بگۆرێت.

وەزارەتی دەرەوەی ئەمریکا، پێنتاگۆن ـیش لەمبارەوە بە توندی هەڕەشەی لە ئێران کرد.

ئەمریكا هەروەها ڕایگەیاندووە، ھێڵی ھەڕەشەكان لە ئێرانەوە تا كۆریای باكوور بەردەوامە و پێویستە ڕووبەڕووی  مەترسییەكانی ئێران و ھێزە دەستكردەكانی لە ناوچەكەدا ببینەوە.

جیمس ماتیس، وه‌زیری به‌رگریی ئەمریكا، لە كۆبوونەوەی لەگەڵ هاوتا ئیسرائیلییه‌كه‌ی، ئه‌ڤیگدۆر لیبه‌رمان، ڕایگەیاند، ھەڕەشە و مەترسییەكانی ئێران لە ناوچەكەدا بەردەوامە و پێویستە ڕووبەڕووی مەترسییەكانی ئێران و گرووپ و ھێزە دەستكردەكانی لە ناوچەكەدا ببینەوە.

وەزیری بەرگریی ئیسرائیل بە سەردانێك لە واشنتۆنە و لە كۆبوونەوەی لەگەڵ بەرپرسانی ئەمریكا باسیان لە پرسی ئێران و هه‌ڕه‌شه‌ و مه‌ترسییه‌كانی، لە ناوچەكەدا كردووە.

 

سه‌رنج و كۆمێنت

كۆمێنت